୫ ଦିନରେ ୫୪୫ କୋଟି ଜବତ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଝାଡଖଣ୍ଡର କଂଗ୍ରେସ ସାଂସଦ ଧୀରଜ ସାହୁଙ୍କ ମଦ ଲିଙ୍କ୍ ନେଇ ଆୟକର ବିଭାଗ ଚଢାଉ ଏବେ ବି ଜାରିରଖିଛି । ଏହି ୫ ଦିନରେ ମୋଟ ୪୫୪ କୋଟି ୫୦ ଲକ୍ଷ ଟଙ୍କା ଜବତ ହୋଇଥିବା ସୂଚନା ମଳିଛି । ମୋଟ ଟଙ୍କାରୁ କେବଳ ଓଡ଼ିଶାରୁ ୪୪୮ କୋଟି ୫୦ ଲକ୍ଷ ଟଙ୍କା ଜବତ ହୋଇଛି । ସେଥିରୁ କେବଳ ବଲାଙ୍ଗୀରରୁ ୪୦୦ କୋଟି ଟଙ୍କା ଜବତ କରାଯାଇଥିବା ବେଳେ ସମ୍ବଲପୁରରୁ ୩୭ କୋଟି ୫୦ ଲକ୍ଷ, ଟିଟଲାଗଡ଼ରୁ ୧୧ କୋଟି ଟଙ୍କା ଜବତ କରାଯାଇଛି ।
ଜବତ ଟଙ୍କାକୁ ସ୍ଥାନୀୟ ପିଡି ଆକାଉଣ୍ଟରେ ଜମା କରାଯାଉଛି । ଏଥିସହ ବଲାଙ୍ଗୀରରୁ ୬୦ କିଲୋ ଓଜନର ସୁନା ଜବତ କରାଯାଇଥିବା ସୂଚନା ମଳିଛି । ଓଡ଼ିଶା ବ୍ୟତୀତ ବାହାର ରାଜ୍ୟରୁ ମଧ୍ୟ ଟଙ୍କା ଜବତ ଆରମ୍ଭ ହୋଇଛି । ଗତକାଲି ଆୟକର ବିଭାଗ ଝାଡଖଣ୍ଡରୁ ନଗଦ ୬ କୋଟି ଟଙ୍କା ଜବତ କରିଛି । ଝାଡଖଣ୍ଡରେ ଥିବା ଜୟଶ୍ୱାଲ ଟ୍ରେଡର୍ସରୁ ଏହି ଟଙ୍କା ଜବତ କରାଯାଇଛି । ଓଡ଼ିଶା ଏବଂ ଝାଡଖଣ୍ଡେରେ ଏକକାଳୀନ ୩୭ ଟି ଟିମ ୩୭ ଟି ସ୍ଥାନରେ ଚଢାଉ କରି ଏସବୁ ଟଙ୍କା ଜବତ କରିଛି ।
ସେପଟେ କଂଗ୍ରେସ ଏମପିଙ୍କ ଏକ ପୁରୁଣା ଟୁଇଟ ଭାଇରାଲ ହେବାରେ ଲାଗିଛି ଯେଉଁଥିରେ ସେ ‘ବିମୁଦ୍ରୀକରଣ’ ବିରୋଧରେ ଏକ ପୋଷ୍ଟ ଲେଖିଥିଲେ। ଭାରତୀୟ ଜନତା ପାର୍ଟି ବିଜେପି ନେତାମାନେ ମଧ୍ୟ ଏହାକୁ ନେଇ ଏକ ଖୋଳତାଡ଼ କରିଛନ୍ତି। ବିଜେପି ନେତା ଶେହଜାଦ ପୁନାୱାଲା କହିଛନ୍ତି ଯେ କଂଗ୍ରେସ ଏମପି ଧୀରଜ ସାହୁ ତାଙ୍କ ପୁରୁଣା ଟୁଇଟରେ ବିମୁଦ୍ରୀକରଣକୁ ସମାଲୋଚନା କରୁଛନ୍ତି। ଏହି ଟୁଇଟ ଏକ ସମୟରେ ଭାଇରାଲ ହେବାରେ ଲାଗିଛି ଯେତେବେଳେ କଂଗ୍ରେସ ଏମପିଙ୍କ ସହ ଜଡିତ ସମ୍ପତ୍ତି ଉପରେ ଚଢାଉ ଚାଲିଛି। ଧୀରଜଙ୍କ ପୁରୁଣା ପୋଷ୍ଟ ସେୟାର କରିବାବେଳେ ଶେହଜାଦ ପୁନାୱାଲା ‘ଏକ୍ସ’ ରେ ଲେଖିଛନ୍ତି, ଓଃ, ମୁଁ ବର୍ତ୍ତମାନ ବୁଝିପାରୁଛି ଯେ ବିମୁଦ୍ରୀକରଣକୁ କାହିଁକି କଂଗ୍ରେସ ବିରୋଧ କରୁଥିଲା। ସେ ଆହୁରି ମଧ୍ୟ କହିଛନ୍ତି, ଭ୍ରଷ୍ଟାଚାର ଦୋକାନରେ ବେଇମାନ ଜିନିଷ।