ଚଳିତ ବର୍ଷ ଜମ୍ମୁ-କାଶ୍ମୀର ରାଜୌରୀରେ ଦୀପାବଳି ପାଳିବେ ମୋଦି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପ୍ରତିବର୍ଷ ସେନାର ଯବାନ ମାନଙ୍କ ସହ ପ୍ରଧାନମନ୍ତ୍ରୀ ମୋଦି ଦୀପାବଳି ପାଳନ୍ତି । ଯବାନ ମାନଙ୍କୁ ମିଠା ଖୁଆଇ ନିଆରା ଢଙ୍ଗରେ ଦୀପାବଳି ମନାଉଥିବା କାରଣରୁ ସେ ବହୁ ଚର୍ଚ୍ଚାରେ ମଧ୍ୟ ରୁହନ୍ତି । ତେବେ ଚଳିତ ବର୍ଷ ଦୀପାବଳିକୁ ମଧ୍ୟ ମୋଦି ସେନାର ଯବାନ ମାନଙ୍କ ସହ ପାଳନ କରିବେ । ନଭେମ୍ବର ୪ ତାରିଖ ଗୁରୁବାର ଦିନ ଦୀପାବଳିର ଶୁଭ ଅବସରରେ ପ୍ରଧାନମନ୍ତ୍ରୀ ଜମ୍ମୁ-କାଶ୍ମୀର ରାଜୌରୀରେ ଥିବା ନୋଶେରା ଅଞ୍ଚଳକୁ ଗସ୍ତ କରିବେ ।
ତେବେ ୨୦୧୪ରେ ମୋଦି ପ୍ରଧାନମନ୍ତ୍ରୀ ହେବା ପରଠାରୁ ଦୀପାବଳିରେ ସୀମା ଆଉଟପୋଷ୍ଟକୁ ପ୍ରତିବର୍ଷ ଗସ୍ତ କରିଥା’ନ୍ତି । ଯବାନମାନଙ୍କୁ ମିଠା ଏବଂ ଅନ୍ୟାନ୍ୟ ଉପହାର ଦେଇ ସମୟ ବିତାଇ ଥାଆନ୍ତି। ମୋଦୀ ୨୦୧୯ରେ ରାଜୌରୀ ସୈନ୍ୟମାନଙ୍କ ସହ ଦୀପାବଳି ପାଳିଥିଲେ। ଆତଙ୍କବାଦୀଙ୍କୁ ଘଉଡାଇବା ପାଇଁ ସେନା କର୍ମଚାରୀ ଜାମ୍ମୁ କାଶ୍ମୀରର ପୁଞ୍ଚ ଏବଂ ରାଜୌରୀ ଜଙ୍ଗଲରେ ବ୍ୟାପକ ଖୋଜାଖୋଜି କରୁଛନ୍ତି। ଆତଙ୍କବାଦୀଙ୍କ ବିରୋଧରେ ଲଢ଼େଇରେ ପୁଞ୍ଚ ଅନେକ ସେନା କର୍ମଚାରୀଙ୍କ ଆହତ ହୋଇଥିଲେ।
ଗତ ଶନିବାର ରାଜୌରୀର ଲାଇନ୍ ଅଫ୍ କଣ୍ଟ୍ରୋଲ୍ (ଏଲଓସି) ନିକଟରେ ଥିବା ଏକ ଫରୱାର୍ଡ ପୋଷ୍ଟ ନିକଟରେ ଖଣି ବିସ୍ଫୋରଣରେ ଭାରତୀୟ ସେନାର ଜଣେ ଅଧିକାରୀ ଏବଂ ଜଣେ ଯବାନ ସହିଦ ହୋଇଥିଲେ। ଏହି ଘଟଣାରେ ଅନ୍ୟ ଜଣେ ଯବାନ ବି ଆହତ ହୋଇଥିବା ସୂଚନା ମିଳିଥିଲା। ଭାରତୀୟ ସେନା ପାଇଁ ଆଉ ଏକ ଗୁରୁତ୍ୱପୂର୍ଣ୍ଣ ଅଞ୍ଚଳ ହେଉଛି ଲଦାଖ ସେକ୍ଟର। ଯେଉଁଠାରେ ପଡୋଶୀ ଦେଶ ଦ୍ୱାରା କୌଣସି ଆକ୍ରମଣକୁ ଯାଞ୍ଚ କରିବା ପାଇଁ ଭାରତ-ଚୀନ୍ ସୀମାରେ ୧୮ ମାସରୁ ଅଧିକ ସମୟ ଧରି ସେନାମାନଙ୍କୁ ମୁତୟନ କରାଯାଇଛି।
୨୦୧୪ ରେ କାର୍ଯ୍ୟଭାର ସମ୍ଭାଳିବା ପରଠାରୁ ପ୍ରଧାନମନ୍ତ୍ରୀ ଉତ୍ତରପ୍ରଦେଶ, ହିମାଚଳ ପ୍ରଦେଶ, ରାଜସ୍ଥାନ, ପଞ୍ଜାବ ଏବଂ ଜାମ୍ମୁ କାଶ୍ମୀରର କେନ୍ଦ୍ରଶାସିତ ଅଞ୍ଚଳର ସେନାମାନଙ୍କ ସହ ସମୟ ଅତିବାହିତ କରି ଦୀପାବଳି ପାଳନ କରି ଆସୁଛନ୍ତି।