ଭୁବନେଶ୍ୱର(ବଡ଼ ଖବର ବ୍ୟୁରୋ): ସାରା ରାଜ୍ୟରେ କୋଭିଡ ସୃଷ୍ଟି କରିଛି ଭୟର ବାତାବରଣ । ଆଜି ଭାଇରସ ରେକର୍ଡ ଭାଙ୍ଗିଛି । ୨୪ ଘଣ୍ଟାରେ ୫ଶହରୁ ଅଧିକ ପଜିଟିଭ୍ ଚିହ୍ନଟ ହୋଇଛନ୍ତି । ସେପଟେ ଡେ କର୍ଫ୍ୟୁକୁ ନେଇ ମଧ୍ୟ ବଢୁଛି କନର୍ଫ୍ୟୁଜନ । ବାଚସ୍ପତିଙ୍କ କଥାକୁ କାଟିଲେ ଏସଆରସି, ଏସଆରସିଙ୍କ କଥାକୁ କାଟିଲେ ମନ୍ତ୍ରୀ । ତେବେ କାହା କଥା ଠିକ୍ ? ବାଚସ୍ପତିଙ୍କର, ଏସଆରସିଙ୍କର ନା ମନ୍ତ୍ରୀଙ୍କର । ଏନେଇ ବଡ଼ କନଫ୍ୟୁଜନରେ ଅଛନ୍ତି ରାଜ୍ୟବାସୀ ।
ଗତକାଲି ବାଚସ୍ପତି ଡେ କର୍ଫ୍ୟୁ ହେବାର ସମ୍ଭାବନା ନେଇ ସୂଚନା ଦେଇଥିଲେ । ବାଚସ୍ପତିଙ୍କ କଥାକୁ ଖଣ୍ଡନ କରି ଏସଆରସି ମୁଖ୍ୟ ପ୍ରଦୀପ କୁମାର ଜେନା ସ୍ପଷ୍ଟ କରିଥିଲେ ରାଜ୍ୟରେ ଡେ କର୍ଫ୍ୟୁ ହେବନି, ରାଜ୍ୟରେ କରୋନା ସ୍ଥିତି ଏବେ ନିୟନ୍ତ୍ରଣରେ ଅଛି । ତେବେ ଆଜି ଦରକାର ପଡିଲେ ଡେ କର୍ଫ୍ୟୁ ଲାଗୁ ହେବାର ସମ୍ଭାବନା ନେଇ ସୂଚନା ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ । ଯାହା ରାଜ୍ୟବାସୀଙ୍କୁ ଆହୁରି କନଫ୍ୟୁଜନରେ ପକାଇଛି ।
ଅନ୍ୟପଟେ ଆଜିଠୁ ୧୦ଟି ଜିଲ୍ଲାରେ ନାଇଟ୍ କର୍ଫ୍ୟୁ ଲାଗୁ କରାଯାଇଛି। ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ବରଗଡ଼, ବଲାଙ୍ଗିର, ନୂଆପଡ଼ା, କଳାହାଣ୍ଡି, ନବରଙ୍ଗପୁର, କୋରାପୁଟ ଓ ମାଲକାନଗିରି ଆଦି ଜିଲ୍ଲାରେ ଏହି ନାଇଟ କର୍ଫ୍ୟୁ ଲାଗୁ କରାଯାଇଛି। ଏହି ସବୁ ଜିଲ୍ଲା ଗୁଡ଼ିକରେ ରାତି ୧୦ଟାରୁ ସକାଳ ୫ଟା ଯାଏଁ ନାଇଟ୍ କର୍ଫ୍ୟୁ ବଳବତ୍ତର ରହିବ।
