ଅମ୍ଲଜାନ ମାଗିବାରୁ କେସ୍ ଖାଇଲେ

ଆମେଥି (ବଡ଼ ଖବର ବ୍ୟୁରୋ): ସାରା ଦେଶକୁ କଲବଲ କଲାଣି କରୋନା । ଅମ୍ଲଜାନ ନପାଇ ଅନେକ ଲୋକେ ଜୀବନ ମଧ୍ୟ ହାରିବାର ଖବର ପ୍ରତିଦିନସମ୍ନାକୁ ଆସୁଛି । ଅମ୍ଲାଜନ ଅଭାବ ଥିବାନେଇ ପ୍ରତିଦିନ ଗଣମାଧ୍ୟମ ଓ ସାମଜିକ ଗଣମାଧ୍ୟମରେ ଖବ ପ୍ରକାଶ ପାଉଛି । ଏହାରି ଭିତରେ ଏମିତି ଖବର ଆସୁଛି ଯେ ଜଣେ ବ୍ୟକ୍ତି ସୋଶିଆଲ ସାଇଟ ଟୁଇଟରରେ ଅମ୍ଲଜାନ ପାଇଁ ସହାୟାତା ମାଗିବାରୁ ତାଙ୍କ ନାଁରେ ଏତଲା ଦାୟର କରିଛି ପୋଲିସ । ଉତ୍ତରପ୍ରଦେଶରୁ ଆସିଛି ଏଭଳି ଏକ ଅଭିଯୋଗ । କରୋନା ସଂକଟ ସମୟରେ ଜଣେ ବ୍ୟକ୍ତି ଅମ୍ଲଜାନ ପାଇଁ ସହାୟାତା ମାଗିବାରୁ ତାଙ୍କ ନାଁରେ ଏହି ଏଫଆଇଆର ଦାୟର କରିଛି ଆମେଥି ପୋଲିସ । ବ୍ୟକ୍ତି ଜଣକ ନିଜ ଟଇଟର ଆକାଉଣ୍ଟରେ ଅମ୍ଲଜାନ ପାଇଁ ସହାୟାତା ମାଗିଥିଲେ । ତେବେ ରାଜ୍ୟରେ ଅମ୍ଲଜାନ ପର୍ଯ୍ୟାପ୍ତ ପରିମାଣରେ ଥିବା ସହ ଏହି ଖବରକୁ ଗୁଜବ ବୋଲି କହି ପୋଲିସ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ଏତଲା ଦାୟର କରିଛି । ଗୁଜବକୁ ଦୂର କରିବା ପାଇଁ ଏଭଳି ପଦକ୍ଷପ ନିଆଯାଇତିବା କହିଛି ଆମେଥି ପୋଲିସ ।