(ବଡ଼ ଖବର ବ୍ୟୁରୋ):କରୋନା ଭାଇରସ ବିଶ୍ୱରେ ଦିନକୁ ଦିନ ବିପଦ ସୃଷ୍ଟି କରୁଛି । ଆଉ ତୃତୀୟ ଲହରରେ ସବୁଠାରୁ ଅଧିକ ଛୋଟ ଛୁଆମାନେ ସଂକ୍ରମିତ ହେବାର ଆଶଙ୍କା କରିଛନ୍ତି ବିଶେଜ୍ଞ । ଏ ମଧ୍ୟରେ ପିଲା ମାନଙ୍କୁ ସଂକ୍ରମଣ ମୁକ୍ତ କରିବା ପାଇଁ ପିଲାମାନଙ୍କ ଟିକାକରଣ କରିବାକୁ ଯାଉଛି ଆମେରିକା ।
୧୨ ବର୍ଷରୁ ୧୫ ବର୍ଷର ପିଲାଙ୍କୁ ଏହି ଟିକାକରଣରେ ଅନ୍ତର୍ଭୁକ୍ତ କରାଯାଇଛି । ପିଲାମାନଙ୍କୁ ଫାଇଜର ଟିକା ଦେବାକୁ ଅନୁମତି ଦେଇଛି ଏଫଡିଏ । ତେବେ ଟିକା ପରାମର୍ଶଦାତା କମିଟି ସୁପାରିଶ କରିବା ମାତ୍ରେ ଟିକାକରଣ ଆରମ୍ଭ ହୋଇଛି । ଆମେରିକାରେ ୧୨-୧୫ବର୍ଷର ପିଲାଙ୍କୁ ଟିକା ଦେବାକୁ ଏଫଡିଏର ଅନୁମତି ଦେବାପରେ ଅଭିଭାବକ, ବିଦ୍ୟାଳୟର ପ୍ରଶାସକ ଏବଂ ଜନସ୍ୱାସ୍ଥ୍ୟ ଅଧିକାରୀମାନେ ପିଲାମାନଙ୍କ ପାଇଁ ଟିକା ଉପଲବ୍ଧ ହେବା ନେଇ ଉତ୍କଣ୍ଠାର ସହ ଅପେକ୍ଷା କରିଛନ୍ତି ।
