National security advisor Jake Sullivan speaks to reporters in the James S. Brady Press Briefing Room at the White House in Washington on Thursday, Feb. 4, 2021. (Stefani Reynolds/The New York Times)
(ବଡ଼ ଖବର ବ୍ୟୁରୋ): ଚୀନକୁ ଚେତାବନୀ । ଆମେରିକାର ରାଷ୍ଟ୍ରୀୟ ନିରାପତ୍ତା ପରାମର୍ଶଦାତା ଜାକ ସୁଲିବନ ଚୀନକୁ ଚେତାବନୀ ଦେଇଛନ୍ତି । ସାରା ବିଶ୍ୱ ଏବେ କରୋନା ସହ ଲଢ଼ୁଛି । ଏହାର ଉତ୍ପତ୍ତିକୁ ନେଇ ହେଉଥିବା ତଦନ୍ତରେ ଚୀନ ଆଜି ପର୍ଯ୍ୟନ୍ତ ସହଯୋଗ କରୁନି । ଯଦି ବିଜିଂ ପକ୍ଷରୁ ସହଯୋଗ ନକରାଯାଏ, ତେବେ ଅନ୍ତର୍ଜାତୀୟ ସ୍ତରରେ ଚୀନକୁ ବାସନ୍ଦ ଦଣ୍ଡ ଭୋଗିବାକୁ ପଡ଼ିବ । ଏକ ସାକ୍ଷାତକାରରେ ସୁଲିବନ ଏହା କହିଛନ୍ତି । କରୋନାର ଉତ୍ପତ୍ତି ବିଷୟରେ ତଦନ୍ତ କରିବାକୁ ଜି-୭ ସଂଗଠନର ନେତାମାନେ କରୋନା ଭାଇରସ ସମ୍ବନ୍ଧୀୟ ତଦନ୍ତ ପ୍ରସଙ୍ଗରେ ଚୀନ ଉପରେ ଚାପ ପକାଇଛନ୍ତି । ଏ କ୍ଷେତ୍ରରେ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କର ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ରହିଛି ।
ତେବେ କରୋନା ଭାଇରସର ଉତ୍ପତ୍ତି ଏପର୍ଯ୍ୟନ୍ତ ଏକପ୍ରକାର ରହସ୍ୟ ହୋଇ ରହିଛି । ଚୀନର ଉହାନ ଲ୍ୟାବରୁ ନାଁ ଅନ୍ୟ କୌଣସି ସ୍ଥାନରୁ ହେଉଛି ସେନେଇ ବହୁ ବିଶେଷଜ୍ଞ ତଦନ୍ତ କରିବାକୁ ଚାହୁଁଥିଲେ ମଧ୍ୟ ଚୀନ ଏହାକୁ ସମର୍ଥନ କରୁନି । ଜି-୭ର ସଦସ୍ୟମାନେ ପୁଣିଥରେ ଏହା ଉପରେ ତଦନ୍ତ କରିବାକୁ ଚୀନ ବିରୋଧରେ ସ୍ୱର ଉଠାଇଛନ୍ତି । ଏହି ବାବଦରେ ଚୀନ ଉପରେ ଚାପ ପ୍ରୟୋଗ ମଧ୍ୟ କରାଯାଉଛି । ଯଦି ଚୀନ ଏଥିରେ ସହଯୋଗ ନକରେ ତେବେ ଚୀନକୁ ଅନ୍ତର୍ଜାତୀୟ ସ୍ତରରେ ଏକ ଘରକିଆ କରାଯିବ ।
