(ବଡ଼ ଖବର ବ୍ୟୁରୋ): ଦକ୍ଷିଣ ଆଫ୍ରିକାର ପୂର୍ବତନ ରାଷ୍ଟ୍ରପତିଙ୍କୁ ୧୫ ମାସ ଜେଲ ଦଣ୍ଡ । ଗ୍ରାଫ୍ଟ ଅନୁସନ୍ଧାନକାରୀଙ୍କ ନିକଟରେ ହାଜର ହେବାକୁ ମନା କରିବା ପରେ ପୂର୍ବତନ ରାଷ୍ଟ୍ରପତିଙ୍କୁ ଯାକୋବ ଜୁମାଙ୍କୁ ଜେଲ ଦଣ୍ଡ ହୋଇଛି । ଦକ୍ଷିଣ ଆଫ୍ରିକାର ସର୍ବୋଚ୍ଚ ଅଦାଲତ ମଙ୍ଗଳବାର କୋର୍ଟର ଅବମାନନା ଅଭିଯୋଗରେ ୧୫ ମାସ ଜେଲ ଦଣ୍ଡାଦେଶ ଶୁଣାଇଛନ୍ତି। ବିଚାରପତି କହିଛନ୍ତି, “ଜୁମା କୋର୍ଟର ଅବମାନନା ଅପରାଧରେ ଦୋଷୀ ସାବ୍ୟସ୍ତ ହୋଇଛନ୍ତି। ୭୯ ବର୍ଷୀୟ ଜାକୋବ ଜୁମା, ତାଙ୍କ ପାଖାପାଖି ନଅ ବର୍ଷ କାର୍ଯ୍ୟକାଳ ମଧ୍ୟରେ ଅନେକ ଜାଲିଆତି ଏବଂ ଅନେକ ଦୁର୍ନୀତି ମାମଲାରେ ତାଙ୍କ ନାଁରେ ଅଭିଯୋଗ ହୋଇଛି।
ବିଚାରପତି କହିଛନ୍ତି ଯେ ଜୁମାଙ୍କୁ କାରାଗାରରେ ଦଣ୍ଡିତ କରିବା ଛଡା ମୋର କୌଣସି ବିକଳ୍ପ ନାହିଁ, ଆଶା କରୁଛି ଯେ ଏହା କରିବା ଦ୍ବାରା ଦେଶବାସୀଙ୍କ ଉପରେ ଏହା ଏକ ସ୍ପଷ୍ଟ ବାର୍ତ୍ତା ପଠାଇବ ଯେ ଆଇନର ନିୟମ ଏବଂ ନ୍ୟାୟ ବ୍ୟବସ୍ଥାର ପ୍ରାଧାନ୍ୟ ରହିଛି। ଜୁମାଙ୍କୁ ପାଞ୍ଚ ଦିନ ମଧ୍ୟରେ ନିଜକୁ ସମର୍ପଣ କରିବାକୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ଅଦାଲତ।
