ଚନ୍ଦ୍ରଭାଗା ଗର୍ଭରେ ଓଲଟିଲା ଡଙ୍ଗା

କୋଣାର୍କ (ବଡ଼ ଖବର ବ୍ୟୁରୋ): ସମୁଦ୍ରକୁ ମାଛ ଧରିବାକୁ ଯିବା ସମୟରେ ଘଟିଲା ଅଘଟଣ। ଚନ୍ଦ୍ରଭଗାର ଗଭୀର ସମୁଦ୍ରରେ ଓଲଟିଲା ମତ୍ସ୍ୟଜୀବୀଙ୍କ ଡ଼ଙ୍ଗା । ଆଜି ଭୋର ସମୟରେ ସମୁଦ୍ର ଭିତରକୁ ମାଛ ଧରିବାକୁ ପାଇଁ ଯାଇଥିଲେ ମତ୍ସ୍ୟଜୀବୀ। ସମୁଦ୍ର ଭିତରକୁ ଯିବା ସମୟରେ ସମୁଦ୍ର ଲହଡାରେ ଭାରସ୍ୟାମ ହରାଇ ଓଲଟି ପଡିଥିଲା ଡ଼ଙ୍ଗା।

ଏଥିରେ ତେଲୁଗୁ ବସ୍ତିର ୫ ମତ୍ସ୍ୟଜୀବୀ ଥିବା ଜଣାପଡ଼ିଛି । ୪ ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରାଯାଇଥିବାବେଳେ ଜଣେ ନିଖୋଜ ହୋଇଛନ୍ତି । ନିଖୋଜ ମତ୍ସ୍ୟଜୀବୀଙ୍କ ନାଁ ଅପୋଲା ରାଜୁ । ବର୍ତ୍ତମାନ ନିଖୋଜ ମତ୍ସ୍ୟଜୀବୀଙ୍କ ଖୋଜାଖୋଜି ଜାରି ରହିଛି ।