ବଲାଙ୍ଗିର(ବଡ଼ ଖବର ବ୍ୟୁରୋ): ‘ବଡ଼ ଖବର’ ବଡ଼ ପ୍ରଭାବ । ମହାଙ୍ଗା ପଡିଲା ଗଣମାଧ୍ୟମର କଣ୍ଠରୋଧ ଉଦ୍ୟମ । ବଲାଙ୍ଗିର ଖପ୍ରାଖୋଲର ବିବାଦୀୟ ରେଞ୍ଜର ଶ୍ରୀବତ୍ସ କୁମୁରାଙ୍କୁ ବଦଳି କରାଯାଇଛି । ଶ୍ରୀବତ୍ସଙ୍କୁ ଖପ୍ରାଖୋଲରୁ ବୌଦ୍ଧ ମାଧପୁରକୁ ସ୍ଥାନାନ୍ତର କରାଯାଇଛି । ଏନେଇ ରାଜ୍ୟ ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ବିଜ୍ଞପ୍ତି ଜାରି କରାଯାଇଛି । କୁମୁରାଙ୍କ ଜାଗାରେ ମାଧପୁର ରେଞ୍ଜର ସରୋଜ ମିଶ୍ରଙ୍କୁ ନିଯୁକ୍ତି ଦିଆଯାଇଛି ।
ଘଟଣା ଅନୁଯାୟୀ, ଗନ୍ଧମାର୍ଦନ ଜଙ୍ଗଲ ଜମିରୁ ବେଆଇନ ମାଟି ଉଠାଇ ବିବାଦ ଘେରକୁ ଆସିଥିଲେ କୁମୁରା । ରେଞ୍ଜରଙ୍କ ଏହି ବେଆଇନ ଖବରକୁ ବଡ଼ ଖବରରେ ପ୍ରସାରଣ ପରେ ବଡ଼ ଖବର ପ୍ରତିନିଧିଙ୍କୁ ହତ୍ୟା ଧମକ ବି ଦେଇଥିଲେ । ପରେ ଆଜି ତାଙ୍କୁ ବଦଳି କରାଯାଇଛି ।
