ଶପଥ ନେଲେ ୨୪ ଜଣ ନୂତନ ମନ୍ତ୍ରୀ

ଗାନ୍ଧୀନଗର(ବଡ଼ ଖବର ବ୍ୟୁରୋ): ଗୁଜରାଟ ମୁଖ୍ୟମନ୍ତ୍ରୀଙ୍କ ପରେ ଆଜି ନୂତନ ମନ୍ତ୍ରିମଣ୍ଡଳର ଘୋଷଣା କରାଯାଇଛି । ଭୂପେନ୍ଦ୍ର ପଟେଲଙ୍କ କ୍ୟାବିନେଟ ଟିମରେ ୨୪ ଜଣ ନୂଆ ମନ୍ତ୍ରୀଙ୍କୁ ସାମିଲ କରାଯାଇଛି । ୨୪ ଜଣ ମନ୍ତ୍ରୀଭାବେ ଆଜି ଶପଥ ନେଇଛନ୍ତି । ଯେଉଁଥିରେ ୯ ଜଣ କ୍ୟାବିନେଟ ମନ୍ତ୍ରୀ ଥିବା ବେଳେ ୧୫ ଜଣ ରାଜ୍ୟ ମନ୍ତ୍ରୀ ଶପଥ ରହିଥିବାର ସୂଚନା ମିଳିଛି । ଅପରପକ୍ଷରେ ଗୁଜରାଟ ବିଧାନସଭାର ବାଚସ୍ପତି ରାଜେନ୍ଦ୍ର ତ୍ରିବେଦୀ ମଧ୍ୟ ଇସ୍ତଫା ଦେଇଛନ୍ତି ଏବଂ ତାଙ୍କ ନୂତନ ମନ୍ତ୍ରିମଣ୍ଡଳରେ ସାମିଲ କରାଯାଇଛି । ତାଙ୍କ ସ୍ଥାନରେ ନିମା ଆଚାର୍ଯ୍ୟଙ୍କୁ ନୂଆ ବାଚସ୍ପତି ଭାବେ ନିଯୁକ୍ତ କରାଯାଇଛି ।

ସବୁଠାରୁ ରୋଚକ କଥାଟି ହେଉଛି ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କ ମନ୍ତ୍ରିମଣ୍ଡଳରେ ଥିବା ମନ୍ତ୍ରୀମାନଙ୍କୁ ଏଥିରେ ସାମିଲ କରାଯାଇ ନାହିଁ । ନୂଆ ମନ୍ତ୍ରୀମଣ୍ଡଳରେ କୌଣସି ପୁରୁଣା ମନ୍ତ୍ରୀଙ୍କୁ ସାମିଲ କରାଯାଇ ନାହିଁ । ଏପରିକି ପୁରୁଣା ମନ୍ତ୍ରୀମଣ୍ଡଳରେ ଥିବା ଉପମୁଖ୍ୟମନ୍ତ୍ରୀ ନୀତିନ ପଟେଲଙ୍କୁ ମଧ୍ୟ ମନ୍ତ୍ରୀମଣ୍ଡଳରେ ସ୍ଥାନ ଦିଆଯାଇ ନାହିଁ । ମନ୍ତ୍ରିମଣ୍ଡଳରେ ମନୀଷା ୱକିଲ, ନିମିଶା ବେନ ଏବଂ କିର୍ତ୍ତୀ ବାଘେଲା ପ୍ରମଖ ୩ ଜଣ ମହିଳା ସାମିଲ ହୋଇଛନ୍ତି । ଏବଂ ସେମାନଙ୍କୁ ରାଷ୍ଟ୍ରମନ୍ତ୍ରୀ ପାହ୍ୟା ମିଳିଛି ।