ବାୟୁସେନା ଦିବସ ପରେଡରେ ଭାଗ ନେବ ରାଫେଲ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅକ୍ଟୋବର ୮ରେ ଭାରତୀୟ ବାୟୁସେନା ଗର୍ବର ସହ ପାଳନ କରିବ ତା’ର ୮୮ ତମ ବାର୍ଷିକ ଉତ୍ସବ । ସବୁବର୍ଷ ପରି ଏଥର ମଧ୍ୟ ଆୟୋଜିତ ହେବ ରଙ୍ଗାରଙ୍ଗ ଉତ୍ସବ । ଆଉ ଅନୁଷ୍ଠିତ ହେବ ଚିତ୍ତାବର୍ଷକ ପରେଡ । ଏହି ପରେଡରେ ପୂର୍ବରୁ ସାମିଲ ହେଉଥିଲା ଜାଗୁଆର,ସୁଖୋଇ-୩୦,ତେଜସ୍ ଭଳି ବହୁ ଯୁଦ୍ଧ ବିମାନ । ଯୁଦ୍ଧ ବିମାନଗୁଡ଼ିକର ସମରକଳା ଦେଖୁଥିଲା ସମଗ୍ର ବିଶ୍ୱ । ମାତ୍ର ଏଥରର ପରେଡରେ ରହିଛି ଆଉକିଛି ନୂତନତା । ଭାରତୀୟ ବାୟୁସେନାରେ ସାମିଲ ହୋଇଥିବା ରାଫାଲ ଯୁଦ୍ଧ ବିମାନ ଚଳିତ ବର୍ଷର ବାୟୁସେନା ଦିବସ ପରେଡରେ ଭାଗନେଇ ସମସ୍ତଙ୍କୁ ଚମକାଇ ଦେବ ବୋଲି ଭାରତୀୟ ବାୟୁସେନା ପକ୍ଷରୁ ଆଶା କରାଯାଉଛି ।