ରେଜଲ୍ଟ ପରେ, ବିଜୟ ଉତ୍ସବ ପାଳନ କରିବାକୁ ମନା

କୋଲକାତା(ବଡ଼ ଖବର ବ୍ୟୁରୋ): ସାରା ଦେଶର ନଜର ବତ୍ତମାନ ପଶ୍ଚିମବଙ୍ଗ ରାଜନୀତି ଉପରେ ରହିଛି । ହେଲେ ମମତା ଏଥର ଭବାନୀପୁରେ ବାଜି ମାରିଛନ୍ତି । ଏହା ସହ ନିଜର ମୁଖ୍ୟମନ୍ତ୍ରୀ ପଦକୁ ମଧ୍ୟ ବଞ୍ଚାଇବାରେ ମମତା ସକ୍ଷମ ହୋଇଛନ୍ତି । ରେଜଲ୍ଟ ବାହାରିବା ପରେ ତୃଣମୂଳ କଂଗ୍ରେସ ଉତ୍ସବ ମୁଖର ହୋଇ ଉଠିଥିଲା । କିନ୍ତୁ ପଶ୍ଚିମବଙ୍ଗ ବିଧାନସଭା ଉପନିର୍ବାଚନ ଫଳାଫଳ ପ୍ରକାଶ ପୂର୍ବରୁ ନିର୍ବାଚନ କମିଶନ ଏକ ବିଜ୍ଞପ୍ତି ଜାରି କରିଥିଲେ ।

ତେବେ ରେଜଲ୍ଟ ପରେ କୌଣସି ଉତ୍ସବ ପାଳନ ନ କରିବାକୁ ନିର୍ବାଚନ କମିଶନ ଏଥିରେ ଉଲ୍ଲେଖ କରିଥିଲେ । କେବଳ ଏତିକି ନୁହେଁ ବରଂ ଏନେଇ ମମତା ବାନାର୍ଜୀଙ୍କୁ ନିର୍ବାଚନ କମିଶନର ଏକ ଚିଠି ମଧ୍ୟ ଦେଇଥିବାର ସୂଚନା ମିଳିଛି । ସେପଟେ ନିର୍ବାଚନୀ ପରବର୍ତ୍ତୀ ହିଂସାକୁ ଦୃଷ୍ଟିରେ ରଖି ନିର୍ବାଚନ କମିଶନର ଏପରି କରିଥିବାର ସୂଚନା ମିଳିଛି ।