ମାତିଛନ୍ତି ଶିକାରୀ, ବିପଦରେ ଶିମିଳିପାଳ

ବାରିପଦା(ବଡ଼ ଖବର ବ୍ୟୁରୋ): ବିପଦରେ ଶିମିଳିପାଳ ଅଭୟାରଣ୍ୟ। ମାତିଛନ୍ତି ଶିକାରୀ ଆଉ ମାଫିଆ। ଧ୍ଵଂସ ହେବାକୁ ବସିଲାଣି ମୟୂରଭଞ୍ଜ ର ମୁକୁଟ କୁହାଯାଉଥିବା ଶିମିଳିପାଳ ଅଭୟାରଣ୍ୟ। । କିଛି ବେପରୁଆ କର୍ମଚାରୀ ଓ ଲାଞ୍ଚୁଆ ଅଧିକାରୀଙ୍କ ପାଇଁ ଧୀରେ ଧୀରେ ଲୋପ ହେବାକୁ ବସିଲେଣି ଜୀବଜନ୍ତୁ ଓ ମୂଲ୍ୟବାନ ବୃକ୍ଷଲତା। ମାସକ ଭିତରେ ତିନୋଟି ହାତୀକୁ ଶିକାର କରି ଦାନ୍ତ କାଟିନେବା ସହିତ ଗୋଟିଏ ମହାବଳ ବାଘ ର ଛାଲ ,ଦୁଇଟି କଲରାପତରିଆ ବାଘ ଛାଲ,ହାତୀଦାନ୍ତ ଜବତ ହୋଇଛି । କିଛି ଦିନ ପୂର୍ବରୁ ଏକ ହାତୀ କୁ ମାରି ଦାନ୍ତ କାଟି ନେଇ ହାତୀ କୁ ପୋଡ଼ି ମାରିଥିବା ଘଟଣା ରେ ବନ କର୍ମଚାରୀ ଙ୍କ ସଂପୃକ୍ତି ଘଟଣାକୁ ଜଟିଳ କରିଛି।