ଦୁଇ ଦିନିଆ ତାମିଲନାଡୁ ଗସ୍ତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠୁ ଦୁଇ ଦିନିଆ ତାମିଲନାଡୁ ଗସ୍ତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଦିଲ୍ଲୀରୁ ସ୍ୱତନ୍ତ୍ର ବିମାନ ଯୋଗେ ତାମିଲନାଡୁ ଅଭିମୁଖେ ବାହାରିବା ପରେ ମଧ୍ୟାହ୍ନ ୧୨ ଟାରେ ମଦୁରାଇରେ ପହଞ୍ଚିବେ । ଏନେଇ ରାଷ୍ଟ୍ରପତିଙ୍କ କାର୍ଯ୍ୟାଳୟ ତରଫରୁ ସୂଚନା ଦିଆଯାଇଛି । କୋଏମ୍ବାଟୁର ଇଶା ଫାଉଣ୍ଡେସନ ଦ୍ୱାରା ଆୟୋଜିତ ମହାଶିବରାତ୍ରୀରେ ସାମିଲ ହେବେ । ଆସନ୍ତାକାଲି ୱେଲିଙ୍ଗଟନର ଡିଫେନ୍ସ ସର୍ଭିସେସ ଷ୍ଟାଫ କଲେଜ ପରିବର୍ଶନ କରିବେ ରାଷ୍ଟ୍ରପତି । ଏହା ସହ ୭୮ ତମ ଷ୍ଟାଫ ପାଠ୍ୟକ୍ରମରେ ସାମିଲ ହୋଇ ସଦସ୍ୟଙ୍କୁ ସମ୍ବୋଧିତ କରିବେ ରାଷ୍ଟ୍ରପତି । ରାଷ୍ଟ୍ରପତିଙ୍କ ଗସ୍ତକୁ ଦୃଷ୍ଟିରେ ରଖି ତାମିଲନାଡୁରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ତେବେ ମଦୁରାଇରେ ରାଷ୍ଟ୍ରପତି ମିନାକ୍ଷୀ ମନ୍ଦିର ପରିଦର୍ଶନ କରିବେ । ଦର୍ଶନ ପୂର୍ବରୁ ଗତକାଲି ଏକ ସୁରକ୍ଷା ଦଳ ମଦୁରାଇରେ ପହଞ୍ଚି ସୁରକ୍ଷା ବ୍ୟବସ୍ଥାକୁ ଯାଞ୍ଚ କରିଛନ୍ତି ।