ନେତୃତ୍ୱରେ ଥିଲେ ବିଜେପି ବିରୋଧରେ ଛୋଟ ଦଳ ଏକଜୁଟ କରିଥାନ୍ତି: ଶଶି ଥରୁର

ନୂଆଦିଲ୍ଳୀ (ବଡ଼ ଖବର ବ୍ୟୁରୋ): ଲୋକସଭା ନିର୍ବାଚନରେ ବିଜେପିକୁ ପରାସ୍ତ କରିବାକୁ ବିରୋଧୀ ଦଳ ଏକଜୁଟ ହୋଇଛନ୍ତି । ଏହାରି ଭିତରେ କଂଗ୍ରେସ ନେତା ତଥା ଲୋକସଭା ଏମପି ଶଶି ଥରୁର ବିରୋଧୀ ଏକତା ସମ୍ପର୍କରେ ଏକ ବଡ଼ ବୟାନ ଦେଇଛନ୍ତି । ସମ୍ପ୍ରତି ବିରୋଧୀ ଏକତାର ଲହରକୁ ସ୍ୱାଗତ କରି ଥରୁର କହିଛନ୍ତି କଂଗ୍ରେସ ପ୍ରକୃତରେ ସେହି ଆଧାର ହେବ ଯେଉଁଥିରେ ଅନ୍ୟ ଦଳମାନେ ଏକାଠି ହେବେ। କିନ୍ତୁ ସେ ଦୃଢ଼ୋକ୍ତି ପ୍ରକାଶ କରିଛନ୍ତି, ଯଦି ସେ ଦଳର ନେତୃତ୍ୱରେ ଥାଆନ୍ତି, ତେବେ ସେ ଏହା ବିଷୟରେ ଆଲୋଚନା ନ କରି ୨୦୨୪ ସାଧାରଣ ନିର୍ବାଚନରେ ଭାଜପା ବିରୋଧରେ ଛୋଟ ଦଳଙ୍କୁ ଏକଜୁଟ କରିବାକୁ ଉତ୍ସାହିତ କରିଥାନ୍ତେ। ସୂଚନା ଅନୁସାରେ, କଂଗ୍ରେସର ଜାତୀୟ ଅଧ୍ୟକ୍ଷ ପଦ ପାଇଁ ନିର୍ବାଚନରେ ମଲ୍ଲିକାର୍ଜୁନ ଖାର୍ଗେଙ୍କ ବିରୋଧରେ ଥରୁର ପ୍ରତିଦ୍ୱନ୍ଦ୍ୱିତା କରିଥିଲେ।