ମହାରାଷ୍ଟ୍ର(ବଡ଼ ଖବର ବ୍ୟୁରୋ): ଅଂଶୁଘାତରେ ୧୧ ମୃତ, ୬୦୦ ଅସୁସ୍ଥ । ମହାରାଷ୍ଟ୍ରର ନାଭି ମୁମ୍ବାଇରେ ଆୟୋଜିତ ‘ମହାରାଷ୍ଟ୍ର ଭୂଷଣ ପୁରସ୍କାର’ ସମାରୋହରେ ବଡ଼ ଅଘଟଣ । ରବିବାର ଆୟୋଜିତ ଏହି ସମାରୋହ । ଏଥିରେ ବହୁ ସଂଖ୍ୟାରେ ଲୋକ ଏକାଠି ହୋଇଥିଲେ । ଖୋଲା ଆକାଶ ତଳେ ଲୋକେ ୬ ଘଣ୍ଟା ଧରି ବସି ରହିଥିଲେ ।ପ୍ରଚଣ୍ଡ ଖରା ଯୋଗୁ ଅନେକ ଲୋକ ଅଂଶୁଘାତର ଶିକାର ହୋଇଥିଲେ । ଅନେକ ଲୋକ ଅସୁସ୍ଥ ମଧ୍ୟ ହୋଇଛନ୍ତି ।
ହସ୍ପିଟାଲ ଯାଇ ପିଡୀତଙ୍କୁ ଭେଟିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନେ୍ଦ । ମୁଖ୍ୟମନ୍ତ୍ରୀ ମୃତକଙ୍କ ପରିବାରକୁ ୫ଲକ୍ଷ ଟଙ୍କା ଲେଖାଏଁ ସହାୟତା ରାଶି ଘୋଷଣା କରିଛନ୍ତି । ଏହା ସହ ସମସ୍ତ ରୋଗୀଙ୍କୁ ସରକାର ଚିକିତ୍ସା ଯୋଗାଇ ଦେବେ ବୋଲି ସେ କହିଛନ୍ତି । ସେହିପରି ଉଦ୍ଧବ ଠାକରେ, ଆଦିତ୍ୟ ଠାକରେ ଓ ଏନସିନି ନେତା ଅଜିତ ପାୱାର ମଧ୍ୟ ଏମଜିଏମ ହସ୍ପିଟାଲରେ ଚିକିତ୍ସିତ ହେଉଥିବା ଲୋକଙ୍କୁ ଭେଟିଛନ୍ତି ।
