ଦୁର୍ଘଟଣାରେ ୨ ମୃତ

କାମାକ୍ଷାନଗର (ବଡ଼ ଖବର ବ୍ୟୁରୋ):   ଦୁର୍ଘଟଣାରେ ୨ ମୃତ । କଙ୍କଡାହାଡ ଥାନା ବନ୍ଦାଣିଆ ଗ୍ରାମ ନିକଟରେ ଭାରସାମ୍ୟ ହରାଇ ଗଛରେ ପିଟିହେଲା ବାଇକ। ଦୁର୍ଘଟଣାରେ ଦାଦା ଓ ପୁତୁରା ମୃତ । ମୃତକ ଦ୍ବୟ ହେଲେ ଯାଜପୁର ଜିଲ୍ଲା ଟାଟାମାଇନ୍ସ ଅଞ୍ଚଳର ଡୁଗୁ ମାଙ୍କଡିଆ ଓ ତାଙ୍କ ପୁତୁରା ସିଦ୍ଧାନ୍ତ ମାଙ୍କଡିଆ। ଉଭୟେ ଆଜି ସକାଳେ ବାଇକ୍ କିସ୍ତି ଦେବାକୁ କାମାକ୍ଷାନଗର ଆସୁଥିଲେ। ବାଟରେ ବନ୍ଦାଣିଆ ଛକ ନିକଟରେ ଭାରସମ୍ୟ ହରାଇ ରାସ୍ତାକଡରେ ଥିବା ଏକ ମହୁଲ ଗଛରେ ବାଇକ ପିଟି ହୋଇଯାଇଥିଲା। ଉଭୟେ ଗୁରୁତର ହୋଇପଡିଥିଲେ । ସ୍ଥାନୀୟ ଲୋକେ ସେମାନଙ୍କୁ କାମାକ୍ଷାନଗର ମେଡିକାଲରେ ଭର୍ତ୍ତି କରିଥିଲେ। ଡାକ୍ତର ସେମାନଙ୍କୁ ମୃତ ଘୋଷଣା କରିଛନ୍ତି।