ଋଷର ରାତିଅଧିଆ କ୍ଷେପଣାସ୍ତ୍ର ମାଡ଼ ଉଦ୍ୟମ ଫେଲ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ରୁଷିଆର ମିଶାଇଲ ଖସାଇଲା ୟୁକ୍ରେନ ବାୟୁସେନା । ହାଇପରସୋନିକ ମିଶାଇଲକୁ ଖସାଇ ଦେଇଥିବା ଦାବି କରିଛି ୟୁକ୍ରେନ । ଆମେରିକାର ପାଟ୍ରିଅଟ୍ ଡିଫେନ୍ସ ସିଷ୍ଟମ ସହାୟତାରେ ୟୁକ୍ରେନ୍ ପ୍ରଥମ ଥର ପାଇଁ ମସ୍କୋର ଅତ୍ୟାଧୁନିକ କ୍ଷେପଣାସ୍ତ୍ରକୁ ପ୍ରତିହତ କରିବାକୁ ସମର୍ଥ ହୋଇଛି। ୟୁକ୍ରେନର ରାଜଧାନୀରେ ରୁଷିଆ ରାତିଅଧିଆ କ୍ଷେପଣାସ୍ତ୍ର ଆକ୍ରମଣ କରିବାକୁ ଉଦ୍ୟମ କରିଥିଲା । ଏହାର କିନ୍ଝାଲ-ଟାଇପ୍ ବାଲିଷ୍ଟିକ୍ ମିଶାଇଲ୍କୁ ପ୍ରତିହତ କରାଯାଇଥିବା ୟୁକ୍ରେନ୍ ବାୟୁସେନା କମାଣ୍ଡର ମିକୋଲା ଓଲେଶ୍ଚୁକ୍ କହିଛନ୍ତି। ୟୁକ୍ରେନ୍ ପ୍ରଥମ ଥର ପାଇଁ ପାଟ୍ରିଅଟ୍ ଡିଫେନ୍ସ ସିଷ୍ଟମ ବ୍ୟବହାର କରିଛି। କିନ୍ଝାଲ ବାଲିଷ୍ଟିକ୍ ମିଶାଇଲର ଲକ୍ଷ୍ୟଭେଦ କ୍ଷମତା ୨,୦୦୦ କିଲୋମିଟର। ବାୟୁବେଗର ୧୦ ଗୁଣ ଅଧିକ ବେଗରେ ଏହା ଗତି କରିଥାଏ। ଅଣ୍ଡରଗ୍ରାଉଣ୍ଡ ବଙ୍କର କିମ୍ବା ସୁଡ଼ଙ୍ଗକୁ ଧ୍ୱଂସ କରିବା ପାଇଁ ଏହି କ୍ଷେପଣାସ୍ତ୍ର ବ୍ୟବାହର କରାଯାଏ ।