ଚିଲିକା(ବଡ଼ ଖବର ବ୍ୟୁରୋ): ରାତିରେ ଚିଲିକାରେ କଳବୈଶାଖୀ ତାଣ୍ଡବ । ମତ୍ସ୍ୟଜୀବୀ ନିଖୋଜ । କଣାସ ନିକଟବର୍ତ୍ତୀ ଚିଲିକା ଭିତରେ କାଳବୈଶାଖୀର ତାଣ୍ଡବରେ ଚିଲିକା ମଝିରେ ଭାଙ୍ଗିଲା ୭ ଟି ଡ଼ଙ୍ଗା ଓ ୬ ଟି ଡ଼ଙ୍ଗା ପାଣିରେ ବୁଡ଼ି ଯାଇଥିବା ବେଳେ ଜଣେ ମତ୍ସ୍ୟଜୀବୀ ନିଖୋଜ ହୋଇଛନ୍ତି । ଅନ୍ୟମାନେ କୂଳକୁ ଆସିଥିବା ବେଳେ କଣାସ ସରସ୍ୱତୀ ନଗରର ମିଥୁନ ବେହେରା କାଳବୈଶାଖୀରେ ଚିଲିକାରେ ନିଖୋଜ ଥିବା ଜଣାପଡିଛି । ପବନ ଝଡ଼ ଏତେ ମାତ୍ରାରେ ଥିଲା ଯେ ପାଣି ଭିତରେ କିଛି ଡ଼ଙ୍ଗା ବୁଡିଯିବା ସହିତ କିଛି ଡ଼ଙ୍ଗା ମାଡ଼ ହୋଇ ଭାଙ୍ଗି ନଷ୍ଟ ହୋଇଯାଇଛି । ଅକାତ କାତ ଚିଲିକା ଜଳରାଶିରେ ମତ୍ସ୍ୟଜୀବୀ ନିଜର ଡ଼ଙ୍ଗା,ଜାଲ, ଖୋଜୁଥିବା ଦୃଶ୍ୟ ସାମ୍ନାକୁ ଆସିଛି । କଣାସ ବ୍ଲକ ସରସ୍ଵତୀନଗର ଗାଁର ବନମାଳୀ ବେହେରା,ଲକ୍ଷ୍ମଣ ବେହେରା,ଗୁଣନିଧି ବେହେରା, ଅନାମ ବେହେରା,ସୁକାନ୍ତ ବେହେରା ନାମକ ମସ୍ୟଜୀବୀମାନେ ଚିଲିକାକୁ ମାଛଧରି ଘରକୁ ଫେରିବା ସମୟରେ ଏଭଳି ଅଘଟଣ ଘଟିଥିଲା ।
