ବିଧିର ଇଏ କି ବିଧାନ, ବାପା ସହ ଚାଲିଗଲା ପୁଅର ଜୀବନ

ସୋନପୁର  (ବଡ଼ ଖବର ବ୍ୟୁରୋ): ବାପାଙ୍କୁ ଭଲ କରି ଆଣିବାକୁ ଯାଇଥିଲେ । ହେଲେ ଆସିଲା ବାପା-ପୁଅଙ୍କ ଶବ । ଏବେ ଶ୍ମଶାନରେ ଜଳୁଛି ଗୋଟିଏ ନୁହେଁ ଦୁଇ ଦୁଇଟି ଶବ । ଏଭଳି ହୃଦୟବିଦାରକ ଦୃଶ୍ୟ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ତରଭା ବିଜ୍ଞାପିତ ଅଞ୍ଚଳରେ । ମୃତ ବାପା ହେଲେ ଆଦି ସା ଓ ପୁଅ ଆର୍ତ୍ତତ୍ରାଣ ସା । ଗତକାଲି ଆର୍ତ୍ତତ୍ରାଣ ବାପାଙ୍କ ଦେହ ଭଲ କରିବାକୁ ବଲାଙ୍ଗୀର ଭୀମଭୋଇ ମେଡିକାଲକୁ ଯାଇଥିଲେ ।

ସେଠାରେ ବାପାଙ୍କୁ ବେଡକୁ ନେଇ ଯାଉଥିବାବେଳେ ଆର୍ତ୍ତତ୍ରାଣଙ୍କ ସ୍ୱାସ୍ଥ୍ୟ ଖରାପ ହୋଇଥିଲା । ସେଠାରେ ହିଁ ତାଙ୍କର ମୃତ୍ୟୁ ଘଟିଥିଲା। ପୁଅର ମୃତ୍ୟୁ ଘଟଣାକୁ ସହ୍ୟ କରିନପାରି ବାପା ମଧ୍ୟ ଆଖି ମୁଜିଥିଲେ । ଯାହାକୁ ନେଇ ତରଭା ଅଚଂଳରେ ଶୋକର ଛାୟା ଖେଳିଯାଇଛି ।