ସତ ମାନିଲେ ସିସୋଦିଆ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀ ଅବକାରୀ ନୀତି ଅନିୟମିତତା ମାମଲା । ସତ ମାନିଲେ ମନିଷ ସିସୋଦିଆ । ଆମ ଆଦମୀ ପାର୍ଟି ନେତା ତଥା ଦିଲ୍ଲୀର ପୂର୍ବତନ ଉପ ମୁଖ୍ୟମନ୍ତ୍ରୀ ମନିଷ ସିସୋଦିଆ ଡିଜିଟାଲ ତଥ୍ୟ ନଷ୍ଟ କରିଥିବା ମାନି ଯାଇଛନ୍ତି। ରିପୋର୍ଟ ଅନୁଯାୟୀ ସିସୋଦିଆ ସିବିଆଇ ସାମ୍ନାରେ ସ୍ବୀକାର କରିଛନ୍ତି କି ସେ ଦୁଇଟି ମୋବାଇଲ ଫୋନ ନଷ୍ଟ କରିଛନ୍ତି। ଏକ ରିପୋର୍ଟରେ ମିଳିଥିବା ସୂଚନା ଆଧାରରେ ପ୍ରକାଶ କରିଛି ଯେ ଜାନୁଆରୀ ୨୦୨୦ରୁ ଅଗଷ୍ଟ ୨୦୨୨ମଧ୍ୟରେ ମନିଷ ସିସୋଦିଆ ତିନୋଟି ମୋବାଇଲ ହ୍ୟାଣ୍ଡସେଟ ବ୍ୟବହାର କରିଥିଲେ।

ଅଗଷ୍ଟ ୧୯, ୨୦୨୨ ରେ ତାଙ୍କ ଘରେ ଖୋଜାଖୋଜି ବେଳେ ସିବିଆଇ ତାଙ୍କର ଗୋଟିଏ ଫୋନ ଜବତ କରିଥିଲା। ସିସୋଦିଆ କହିଛନ୍ତି ଯେ ଜବତ ହୋଇଥିବା ଫୋନ ସିସୋଡିଆ ଜୁଲାଇ ୨୨, ୨୦୨୨ରୁ ବ୍ୟବହାର କରୁଥିଲେ। କିଛି ମଦ ବ୍ୟବସାୟୀଙ୍କ ସପକ୍ଷରେ ନୀତି ଉପସ୍ଥାପନ କରିବା ଏବଂ ପ୍ରମାଣ ନଷ୍ଟ କରିବା ଅଭିଯୋଗରେ ସିବିଆଇ ସିସୋଦିଆଙ୍କୁ ଅନ୍ୟ ଅଭିଯୁକ୍ତଙ୍କ ସହ ଗିରଫ କରାଯାଇଥିଲା।