ରେସଲରଙ୍କ ପାଇଁ କମିଟି ଗଠନ, ଏକାଠି ହେଲେ ଖାପ ନେତା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ଛିଣ୍ଡୁନି ରେସଲରଙ୍କ ବିବାଦ । ଚୌବିସି ସର୍ଭ ଖାପ ପଞ୍ଚାୟତର ପ୍ରଧାନ ମେହର ସିଂ ନମ୍ବରଦାରଙ୍କ ଆହ୍ବାନରେ ହରିୟାଣା, ଉତ୍ତର ପ୍ରଦେଶ ଓ ରାଜସ୍ଥାନର ଖାପ ପ୍ରତିନିଧି ରବିବାର ମେହମର ଐତିହାସିକ ଚୌବିସି ଚବୁତରାରେ ପହଞ୍ଚିଛନ୍ତି । ଜନ୍ତର ମନ୍ତରରେ ଧାରଣରେ ବସିଥିବା ରେସଲରଙ୍କ ସମର୍ଥନରେ ବଡ ବୈଠକ ହେବ। ବୈଠକରେ ଯେଉଁ ପ୍ରତିନିଧିମାନେ ପହଞ୍ଚିଥିବେ ସେମାନଙ୍କ ମଧ୍ୟରେ ଏକ କମିଟି ଗଠନ କରାଯିବ। କମିଟିରେ ପ୍ରାୟ ୩୧ ଜଣ ସଦସ୍ୟ ରହିବେ । ସେମାନେ ଯାହା ନିଷ୍ପତ୍ତି ନେବେ ତାକୁ ସମସ୍ତେ ମାନିବେ। ଜନ୍ତର ମନ୍ତରରେ ଧାରଣାରେ ବସିଥିବା ରେସଲରମାନେ ବି ଏହାକୁ ମାନିବେ।