ଚକାଆଖିକୁ ଦେଖି ଭକ୍ତ ବିଭୋର

ପୁରୀ (ବଡ଼ ଖବର ବ୍ୟୁରୋ):  ନବଯୌବନ ରୂପରେ ଦର୍ଶନ ଦେଉଛନ୍ତି ମହାପ୍ରଭୁ । କାଳିଆକୁ ପାଖରେ ଦେଖି ଭାବବିହ୍ୱଳ ହେଲେ ଭକ୍ତ । ମନରେ ଅନେକ ଭାବନା ନେଇ ସୁଦୂରରୁ ଚକାଆଖିକୁ ଦେଖିବା ପାଇଁ ଦୌଡ଼ି ଆସିଛନ୍ତି । ସରିଛି ପାରମାଣିକ ଦର୍ଶନ । ଚାଲିଛି ସାହାଣମେଳା ଦର୍ଶନ । ଭକ୍ତମାନେ ସିଂହଦ୍ୱାର ଦେଇ ଦର୍ଶନ କରୁଛନ୍ତି ।

ଦର୍ଶନକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଶ୍ରଦ୍ଧାଳୁଙ୍କ ଭିଡ଼ ନିୟନ୍ତ୍ରଣ ପାଇଁ ୭୦ ପ୍ଲାଟୁନ ଫୋର୍ସ ମୁତୟନ କରାଯାଇଛି । ଦର୍ଶନ ପାଇଁ ବ୍ୟାରିକେଡ୍ ବ୍ୟବସ୍ଥା କରାଯାଇଛି । ସେପଟେ ରଥକୁ ଶେଷ ସ୍ପର୍ଶ ଦେଉଛନ୍ତି କାରିଗର । କାଲି ବଡ଼ଦାଣ୍ଡରେ ଗଡ଼ିବ ରଥ । ଯାହାକୁ ନେଇ ଚଳଚଞ୍ଚଳ ଶ୍ରୀକ୍ଷେତ୍ର ।