ଭୁବନେଶ୍ୱର (ବଡ଼ ଖବର ବ୍ୟୁରୋ): ବାହାରୁଛି କୋଟି କୋଟି ଟଙ୍କା । ଭୁବନେଶ୍ୱରର ବ୍ୟବସାୟିକ ପ୍ରତିଷ୍ଠାନ ଡିଏନ ଗ୍ରୁପ ଉପରେ ଜୋରଦାର ଚଢାଉ । ପ୍ରଥମେ ଆଇଟି ରେଡ ଆଉ ତାପରେ ଖୁବଶୀଘ୍ର ହୋଇପାରେ ଇଡି ରେଡ୍ । ଗ୍ରୁପର ଲିଗାଲ ଅଫିସର ଚନ୍ଦ୍ରଶେଖର ପଣ୍ଡାଙ୍କ ଘରୁ ୩୦ କୋଟି ଟଙ୍କା ମିଳିବା ପରେ ପ୍ରବିର୍ତ୍ତନ ନିଦେ୍ର୍ଦଶାଳୟ ବା ଇଡି ଖୁବଶୀଘ୍ର ନିଜ ଆଡୁ ମାମଲା ରୁଜୁ କରିପାରେ । ଡିଏନ ଗ୍ରୁପର ବେଆଇନ ଆର୍ଥିକ କାରବାର ଉପରେ ହୋଇପାରେ ତଦନ୍ତ । ବୁଧବାର ଆଇଟି ରେଡ ବେଳେ ଡିଏନ ଗ୍ରୁପ ଲିଗାଲ ଅଫିସରଙ୍କ ନିକଟରୁ ୩୦ କୋଟି ଜବତ ହେବା ପରେ ତତ୍ପର ହୋଇଛି ଆଇଟି ଓ ଇଡି । ୩ଟି ଟ୍ରଙ୍କରୁ ଜବତ ୩୦ କୋଟି ଟଙ୍କାକୁ ଆୟଙ୍କର ଅଫିସକୁ ନିଆଯାଇଛି । ଏହାସହ ସୁଟକେଶରେ ଥିବା କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ମଧ୍ୟ ନିଆଯାଇଛି ।
ବୁଧବାର ଡିଏନ ଗ୍ରୁପର ୨୦ଟି ସ୍ଥାନ ସହ ପ୍ରତିଷ୍ଠାନର ଅଧ୍ୟକ୍ଷ, ନିଦେ୍ର୍ଦଶକ, ଅଧିକାରୀ ଓ କିଛି ବରିଷ୍ଠ କର୍ମଚାରୀଙ୍କ ଘରେ ଆଇଟି ରେଡ ହୋଇଥିଲା । ଡିଏନ ଗ୍ରୁପରୁ ଏତେ ଟଙ୍କା ବାହାରିବା ପରେ ରାଜ୍ୟ ରାଜନୀତି ଜୋର ଧରିଛି । ବ୍ୟବସାୟୀ ଜଗଦୀଶ ପ୍ରସାଦ ନାୟକଙ୍କ ସହ ତୃତୀୟ ମହଲାର ସଂପର୍କ ଅଛି । ଶାସକ ନେତାଙ୍କ ବ୍ୟବସାୟୀଙ୍କ ଲିଙ୍କ୍ ରହିଥିବା ଅଭିଯୋଗ କରିଛି ବିଜେପି । ରାଜ୍ୟର ଅନେକ ସ୍ଥାରେ ରେଡ୍ ହୋଇଛି । ରେଡ୍ ଯେଉଁଠି ହେଉଛି ସେଠାରେ ଅପ୍ରାକୃତିକ ଭାବରେ ଆଶଙ୍କା ଠାରୁ ଅଧିକ ଟଙ୍କା ବାହାରୁଛି ।
ଏ ଟଙ୍କା କାହାର । ତାହାର ତର୍ଜମା ହେବା ଆବଶ୍ୟକ ବୋଲି କହିଛନ୍ତି ବଜେପି ନେତା ପୃଥ୍ୱୀରାଜ ହରିଚନ୍ଦନ । ସେପଟେ କଂଗ୍ରେସ କହିଛି ଯେ ଏହି ସବୁ ଟଙ୍କା ବଡ଼ ବଡ଼ ନେତାଙ୍କର । ନିର୍ବାଚନରେ ଖଟେଇବା ପାଇଁ ଏହା ରଖାଯାଇଥିଲା । ଯାହାର ଖୁଲାସା ହେବା ଦରକାର । ଯାହାର ତଦନ୍ତ ହେବା ଆବଶ୍ୟକ ବୋଲି କହିଛନ୍ତି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା । ସେପଟେ ବିଜେଡି କହିଛି ଯେ ଆଇଟି ରେଡ୍ ହେଲେ ମଧ୍ୟ କିଛି ଯାଏ ଆସେ ନାହିଁ । ଆଇଟି ରେଡରେ ଯିଏ ପଡ଼ିବ ସିଏ ବୁଝିବ । ମୁଖ୍ୟମନ୍ତ୍ରୀ ଏଭଳି ପ୍ରସଙ୍ଗରେ କାହାକୁ ସପୋର୍ଟ କରନ୍ତି ନାହିଁ । ଆଇନ ତା’ ବାଟରେ ଯିବ । ବିରୋଧୀ ବିଜେପି ଓ କଂଗ୍ରେସର ଅଭିଯୋଗ ଭିତିହୀନ । ଡିଏନ ଗ୍ରୁପ ଉପରେ ପ୍ରଥମେ ଆଇଟି ଆଉ ଆଗକୁ ହୋଇପାରେ ଇଡି ରେଡ୍ । ଏବେ କୋଟି କୋଟି ଟଙ୍କା ବାହାରୁଥିବା ବେଳେ ଆଗକୁ କ’ଣ ହେୁଛି ତାହା ସମୟ କହିବ । ସେପଟେ ପ୍ରସଙ୍ଗକୁ ନେଇ ରାଜ୍ୟ ରାଜନୀତି ସରଗରମ ହୋଇଛି ।
