ଚନ୍ଦ୍ରାୟନ-୩ର ପ୍ରଥମ ଅର୍ବିଟ ରେଜିଂ ମାନୁଭର୍
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚନ୍ଦ୍ର ନିକଟତର ହେଉଛି ଚନ୍ଦ୍ରାୟନ । ପୃଥିବୀ ଚାରିପଟେ ଅଣ୍ଡାକୃତି ଆକୃତିରେ ଘୁରି ବୁଲୁଛି ଚନ୍ଦ୍ରାୟନ-୩ । ଏହାର ପ୍ରଥମ ଅର୍ବିଟ ରେଜିଂ ମାନୁଭର୍ କରିଛି ଇସ୍ରୋ । ଏହାର ଅର୍ଥ ହେଉଛି ଚନ୍ଦ୍ରାୟନର ଗତିପଥକୁ ପ୍ରସାରିତ କରାଯାଇ ପୃଥିବୀଠାରୁ ଆଉ ଟିକେ ଦୂରକୁ ପଠାଇ ଦିଆଯାଇଛି । ପ୍ରଥମ ଅର୍ବିଟ ରେଜିଂ ମାନୁଭର୍ ପରେ ସର୍ବନିମ୍ନ ଦୂରତା ୧୭୨ କିଲୋମିଟର ଏବଂ ସର୍ବାଧିକ ଦୂରତା ୪୧ ହଜାର ୭୬୨ କିଲୋମିଟରକୁ ବୃଦ୍ଧି ପାଇଛି । ୫ ଥର ଏହି ପ୍ରକ୍ରିୟା ଦୋହରାଇବା ପରେ, ଚନ୍ଦ୍ରାୟନ-୩ ଅଗଷ୍ଟ ୫ରେ ଚନ୍ଦ୍ରର କକ୍ଷପଥରେ ପ୍ରବେଶ କରିବ।
Chandrayaan-3 Mission update:
The spacecraft's health is normal.The first orbit-raising maneuver (Earthbound firing-1) is successfully performed at ISTRAC/ISRO, Bengaluru.
Spacecraft is now in 41762 km x 173 km orbit. pic.twitter.com/4gCcRfmYb4
— ISRO (@isro) July 15, 2023
ଟ୍ରାକିଂ ଆଣ୍ଡ୍ କମାଣ୍ଡ ନେଟୱର୍କ ବା ଆଇଏସଟିଆରଏସିରେ ସଫଳତାର ସହ ପ୍ରଥମ ଅର୍ବିଟ ରେଜିଂ ମାନୁଭର୍ କରାଯାଇଥିବା ସୂଚନା ଦିଆଯାଇଛି । ଉତକ୍ଷେପଣ ପରେ ପୃଥିବୀପୃଷ୍ଠରୁ ଏହାର ସର୍ବନିମ୍ନ ଦୂରତା ପ୍ରାୟ ୧୭୦ କିଲୋମିଟର ଏବଂ ସର୍ବାଧିକ ଦୂରତା ୩୬ହଜାର ୫ଶହ କିଲୋମିଟର ଥିଲା। ‘ଚନ୍ଦ୍ରାୟନ-୩’ର ପ୍ରତ୍ୟେକ ଗିତିବିଧି ଉପରେ ସତର୍କ ନଜର ରଖିଛନ୍ତି ଇସ୍ରୋର ବୈଜ୍ଞାନିକ । ଜୁଲାଇ ୩୧ ତାରିଖ ସୁଦ୍ଧା ଚନ୍ଦ୍ରାୟନ-୩ ପୃଥିବୀଠାରୁ ୧୦ ଗୁଣ ଦୂର ଯାଇସାରିଥିବ । ଏକ ଲକ୍ଷ କିଲୋମିଟର ଦୂରରେ ପହଂଚିବା ପରେ ଚନ୍ଦଯାନକୁ ସ୍ଲିଙ୍ଗସଟ୍ କରାଯିବ । ଅଗଷ୍ଟ ୫ରୁ ୭ ତାରିଖ ମଧ୍ୟରେ ଚନ୍ଦ୍ରାୟନ-୩ ଚନ୍ଦ୍ର ଅର୍ବିଟରେ ପହଂଚିବ ।