ଦୀପାଳି ବାର ଲଜରୁ ଯୁବତୀଙ୍କ ମୃତଦେହ ଉଦ୍ଧାର
ଭୁବନେଶ୍ୱର (ବଡ଼ ଖବର ବ୍ୟୁରୋ): ଭୁବନେଶ୍ୱରେରେ ଜଣେ ଯୁବତୀଙ୍କ ସନ୍ଦେହଜନକ ମୃତ୍ୟୁ । ଲକ୍ଷ୍ମୀସାଗର କଟକ ରୋଡରେ ଥିବା ଦୀପାଳି ବାରରେ ଥିବା ଲଜରେ ଯୁବତୀଙ୍କ ଝୁଲନ୍ତା ମୃତଦେହ ପୋଲିସ ଠାବ କରିଛି । ୨୦୫ ନମ୍ବର ରୁମରେ ଯୁବତୀଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖି ପୋଲିସକୁ ଖବର ଦେଇଥିଲେ ଲଜ୍ କର୍ମଚାରୀ । ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ଲକ୍ଷ୍ମୀସାଗର ଥାନା ପୋଲିସ । ମୃତ ଯୁବତୀଙ୍କ ହେଲେ ଶୁଭଲକ୍ଷ୍ମୀ ସାହୁ ।
ଘର ଭଦ୍ରକର କୁଆବାଗ ସାହି ବୋଲି ଜଣାପଡିଛି । ଗତକାଲି ସକାଳେ ଯୁବତୀ ଜଣକ ଲଜ୍ ରେଜିଷ୍ଟ୍ରିରେ ଏଣ୍ଟ୍ରି କରିଥିଲେ । ଆଜି ସେହି ଯୁବତୀଙ୍କ ଝୁଲନ୍ତା ମୃତଦେହ ଲଜରୁ ମିଳିଛି । ଆଜି ଯୁବତୀଙ୍କ ପରିବାର ଲୋକ ଆସିବା ପରେ ମୃତଦେହ ଉଦ୍ଧାର ଯାଇ ପୋଲିସ ପଚରାଉଚରା ଜାରି ରଖିଛି ।