ପାରାଦ୍ୱୀପ(ବଡ଼ ଖବର ବ୍ୟୁରୋ): ପାରିବାରିକ କଳହ କାରଣରୁ ଆତ୍ମହତ୍ୟା କରିବାକୁ ମହାନଦୀକୁ ଡେଇଁଲେ ମହିଳା । ଡେଇଁଲା ପରେ ୫ କିଲୋମିଟର ଦୂର ନେହେରୁବଙ୍ଗଳା ମହାଦନୀ ମୁହାଣ ପର୍ଯ୍ୟନ୍ତ ଭାସିଗଲେ । ସେଠାରେ ଥିବା କିଛି ମତ୍ସ୍ୟଜିବୀ ତାଙ୍କୁ ଉଦ୍ଧାର କରି ପରିବାର ଜିମା ଦେଇଥିଲେ ।
ବର୍ତ୍ତମାନ ମହାନଦୀରେ ବନ୍ୟାଜଳ ଯୋଗୁଁ ପ୍ରଖର ସୁଅ ରହିଥିବା ବେଳେ ମହିଳା ଜଣଙ୍କ ଭୁତୁମୁଣ୍ଡାଇ ପୋଲରୁ ଡେଇଁ ପଡ଼ିଥିଲେ । ମହିଳାଙ୍କ ଘର ଭୁତୁମୁଣ୍ଡାଇ ଅଞ୍ଚଳର ହୋଇଥିବା ବେଳେ ଘରେ ପାରିବାରିକ କଳହରୁ ଆଜି ସକାଳେ ପୋଲ ଉପରୁ ମହାନଦୀକୁ ଡେଇଁ ପଡ଼ିଥିଲେ।
