ବଢ଼ିଲା କିଙ୍ଗ ଖାନ୍‌ଙ୍କ ସୁରକ୍ଷା, ହତ୍ୟା ଧମକ ପରେ ମିଳିଲା ୱାଇ ପ୍ଲସ୍‌ ସୁରକ୍ଷା

ମହାରାଷ୍ଟ୍ର(ବଡ଼ ଖବର ବ୍ୟୁରୋ): ବଲିଉଡ ଅଭିନେତା ଶାହାରୁଖ ଖାନ୍ଙ୍କୁ ୱାଇ ପ୍ଲସ୍ ସୁରକ୍ଷା ପ୍ରଦାନ । ହତ୍ୟା ଧମକ ମିଳିବା ପରେ ତାଙ୍କ ସୁରକ୍ଷା ବ୍ୟବସ୍ଥା ବଢାଇଦିଆଯାଇଛି । ସୁରକ୍ଷା ବୃଦ୍ଧି କରି ୱାଇ ପ୍ଲସ୍‌ ଦେଲେ ମହାରାଷ୍ଟ୍ର ସରକାର । ମୁମ୍ବାଇ ପୋଲିସ ତରଫରୁ ମିଳିଥିବା ସୂଚନା ଅନୁଯାୟୀ ଶାହାରୁଖ ଖାନ ରାଜ୍ୟ ସରକାରଙ୍କୁ ଏକ ଲିଖିତ ଅଭିଯୋଗ କରିଛନ୍ତି ଯେ ‘ପଠାନ’ ଏବଂ ‘ଜୱାନ’ ଚଳଚ୍ଚିତ୍ର ପରେ ତାଙ୍କୁ ହତ୍ୟା କରାଯିବ ବୋଲି ଧମକ ଦିଆଯାଉଛି। ଏହା ପରେ ମହାରାଷ୍ଟ୍ର ସରକାର ତାଙ୍କ ସୁରକ୍ଷାକୁ ଓ୍ବାଇ + କୁ ବୃଦ୍ଧି କରିଛନ୍ତି।

ଏବେ ଶାହାରୁଖ ୱାଇ ପ୍ଲସ ସୁରକ୍ଷା ପାଇବା ପରେ ରାଜ୍ୟରେ ତାଙ୍କ ଗସ୍ତ ସମୟରେ ୧୧ ଜଣ ସୁରକ୍ଷା କର୍ମୀ ନିୟୋଜିତ ରହିବେ । ଯେଉଁଥିରେ ୬ ଜଣ କମାଣ୍ଡୋ, ୪ ଜଣ ପୁଲିସ କର୍ମଚାରୀଙ୍କ ସହିତ ଜଣେ ଟ୍ରାଫିକ କ୍ଲିଅରେନ୍ସ ପାଇଁ ରହିବେ । ଶାହାରୁଖ ଅଣ୍ଡରୱାଲର୍‌ଡ ଏବଂ ଗ୍ୟାଙ୍ଗଷ୍ଟରଙ୍କ ଟାର୍ଗେଟରେ ଅଛନ୍ତି। ଏହା ପୂର୍ବରୁ କେବଳ ଦୁଇଜଣ ପୋଲିସ ତାଙ୍କ ସୁରକ୍ଷା ଅଧୀନରେ ଥିଲେ। ଶାହାରୁଖ ଖାନ ନିଜେ ଓ୍ବାଇ + ସୁରକ୍ଷା ଖର୍ଚ୍ଚ ବହନ କରିବେ।