ନିଲାମ ହେବ ଦେଶର ୩୯ଟି ଖଣି, ଓଡ଼ିଶାରୁ ୧୯

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନିଲାମ ହେବ ଓଡ଼ିଶାର ୧୯ ଖଣି । ସାରା ଦେଶରେ ଟୋଟାଲ ୩୯ଟି ଖଣି ନିଲାମ ହେବ । କୋଇଲା ମନ୍ତ୍ରଣାଳୟ ପକ୍ଷରୁ ଚଳିତ ମାସ ୧୫ ତାରିଖ ଦିନ ଅଷ୍ଟମ ପର୍ଯ୍ୟାୟ ,ବାଣିଜ୍ୟିକ କୋଇଲା ଖଣି ନିଲାମର ଶୁଭାରମ୍ଭ ହେବ । କୋଇଲା ମନ୍ତ୍ରୀ ପ୍ରହଲ୍ଲାଦ ଯୋଶୀ ଆନୁଷ୍ଠାନିକ ଭାବେ ଏହାର ଶୁଭାରମ୍ଭ କରିବେ । ଏଥିରେ ୫ ରାଜ୍ୟର ମୋଟ ୩୯ଟି ଖଣିକୁ ନିଲାମ କରାଯିବ । ଓଡ଼ିଶାର ୧୯ଟି ଖଣି ଏହା ମଧ୍ୟରେ ସାମିଲ ରହିଛି । ସିଏମଏସପି ଆଇନ ଅଧିନରେ ରାଜ୍ୟର ୮ ଏବଂ ଏମଏମଡିଆର ଆଇନରେ ୧୧ ଖଣି ନିଲାମ ଲାଗି ରଖାଯିବ ।

ସେହିଭଳି ବିହାରର ୩, ଝାଡଖଣ୍ଡର ୭, ମହାରାଷ୍ଟ୍ରର ୫ ଏବଂ ପଶ୍ଚିମବଙ୍ଗର ୯ ଖଣିକୁ ନିଲାମ କରାଯିବ । କୋଇଲା କ୍ଷେତ୍ରରେ ଭାରତକୁ ଆତ୍ମନିର୍ଭର କରିବା ସିଗରେ ସରକାରଙ୍କ ପକ୍ଷରୁ ପ୍ରକି୍ରୟାକୁ ତ୍ୱରାନ୍ୱିତ କରାଯାଇଛି । ୨୦୨୦ରେ ପ୍ରଥମ ଥର ଲାଗି ବାଣିଜ୍ୟିକ କୋଇଲା ଖଣି ନିଲାମ ଆରମ୍ଭ ହୋଇଥିଲା । ଅଦ୍ୟାବଧି ୯୧ କୋଇଲା ଖଣି ଏହା ଅଧିନରେ ନିଲାମ କରାଯାଇଛି । ଖଣି ନିଲାମ ସର୍ତ୍ତ, ସମୟ ସୀମା ସମ୍ପର୍କିତ ବିଭିନ୍ନ ସୂଚନା ଏମଏସଟିସିରୁ ଲାଭ କରିହେବ । ଆରଇସି ଲିମିଟେଡ ମଧ୍ୟ ସମାନ ଧରଣର ଏକ କାର୍ଯ୍ୟକ୍ରମ ହାତକୁ ନେଇଛି । ସଫଳ ବିଡରଙ୍କୁ ଅନୁମୋଦନ ଲାଗି ସିଙ୍ଗଲ ୱିଣ୍ଡୋ ବ୍ୟବସ୍ଥା କରାଯାଇଛି ।