ସୋର (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ବାହାନଗା ବ୍ଲକ ଆଗରେ ଭାରତୀୟ ଜନତା ପାର୍ଟିର ଘେରାଉ । ରାଜ୍ୟ ସରକାରଙ୍କ ଅପାରଗତା, ଦୁର୍ନୀତି, ଭ୍ରଷ୍ଟାଚାର ସହିତ ବ୍ଲକରେ ପିସି କାରବାରକୁ ବିରୋଧ କରି ଏହି ଘେରାଉ କରାଯାଇଛି । ତେବେ ଏହି ଘେରାଉରେ ଶହ ଶହ ଲୋକ ଏକତ୍ରିତ ହୋଇଥିଲେ । ପରେ ପ୍ରଶାସନ ବିରୋଧରେ କର୍ମୀମାନେ ରଣହୁଙ୍କାର ଦେଇଥିଲେ । ସେମାନଙ୍କ କହିବା କଥା ଓଡ଼ିଶାରେ ବର୍ଷକୁ ୧ ଲକ୍ଷ କୋଟି ଟଙ୍କାର ଦୁର୍ନୀତି ହେଉଛି, ଗ୍ରାମ ସଭା ହେଉନାହିଁ, ତୃଣମୂଳ ସ୍ଥଳର ଜନପ୍ରତିନିଧି ମାନଙ୍କ କ୍ଷମତାକୁ ହଡପ କରିନିଆଯାଇଛି । ଏଥିସହିତ ପଞ୍ଚାୟତରୁ ସଚିବାଳୟ ପର୍ୟ୍ୟନ୍ତ ସବୁଠି ଖୁଲୁମ ଖୁଲା ଦୁର୍ନୀତି ଓ ପିସି କରବାର ହେଉଛି । ଦୀର୍ଘ ୨୩ ବର୍ଷ ହେବ ବିଜେଡି ଶାସନ କରୁଥିବା ବେଳେ ଦୁର୍ନୀତିରେ ଲିପ୍ତ ରହୁଥିବା ବେଳେ ଆଇନ ଶୃଙ୍ଖଳା ସ୍ଥିତି ବିଗିଡି ଯାଉଛି ।
