କାଉଣ୍ଟିଂ ଉପରେ ନଜର ରଖିବାକୁ ସତର୍କ କଲେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କାଲି ଆସିବ ୪ ରାଜ୍ୟର ନିର୍ବାଚନ ଫଳାଫଳ । ଯାହାକୁ ନେଇ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ପାଞ୍ଚଟି ରାଜ୍ୟ ବିଧାନସଭା ନିର୍ବାଚନ ପାଇଁ ଭୋଟ୍ ଗଣନା ଉପରେ ନଜର ରଖିବାକୁ ଦଳର ଦାୟିତ୍ୱରେ ଥିବା ପର୍ଯ୍ୟବେକ୍ଷକମାନଙ୍କୁ କହିଛନ୍ତି। ସେ ଫୋନ୍ ଯୋଗେ ନେତାଙ୍କ ସହ କଥାବାର୍ତ୍ତା କରି ସତର୍କ କରାଇଛନ୍ତି। ମଲ୍ଲିକାର୍ଜୁନ କହିଛନ୍ତି ଯେ ଯେଉଁମାନେ ରାଜ୍ୟର ଦାୟିତ୍ୱ ଦିଆଯାଇଛି ସେମାନେ ରହିବେ । ଭୋଟ୍ ଗଣନା ସମୟରେ ନଜର ରଖିବେ ।
ଏହାକୁ ଦୃଷ୍ଟିରେ ରଖି କର୍ଣ୍ଣାଟକର ଡେପୁଟି ସିଏମ୍ ଡି.କେ ଶିବକୁମାର ଶନିବାର ଆଚି ହାଇଦ୍ରାବାଦରେ ପହଞ୍ଚିବେ। ରଣଦୀପ ସୁରେଜୱାଲା ଭୋପାଳରେ ଉପସ୍ଥିତ ଅଛନ୍ତି। ରାଜସ୍ଥାନ, ଛତିଶଗଡ, ମଧ୍ୟପ୍ରଦେଶ ଏବଂ ତେଲେଙ୍ଗାନାରେ ଅନୁଷ୍ଠିତ ବିଧାନସଭା ନିର୍ବାଚନର ଫଳାଫଳ ରବିବାର (୩ ଡିସେମ୍ବର) ଘୋଷଣା କରାଯିବ। ମିଜୋରାମରେ ଅନୁଷ୍ଠିତ ନିର୍ବାଚନର ଫଳାଫଳ ସୋମବାର (ଡିସେମ୍ବର ୪) ରେ ଆସିବ। ସେପଟେ କଂଗ୍ରେସ ଏବଂ ଅନ୍ୟ ବିରୋଧୀ ଦଳଙ୍କ ଅଭିଯୋଗ ଗଣନା ସମୟରେ ବିଜେପି ଅନିୟମିତତା ସୃଷ୍ଟି କରିବାକୁ ଚେଷ୍ଟା କରୁଛି।