‘୨୦୨୪ ରେ ମୁଁ ଚିଲିକାରୁ ନିର୍ବାଚନ ଲଢ଼ିବି’
ଭୁବନେଶ୍ୱର (ବଡ଼ ଖବର ବ୍ୟୁରୋ): ୨୦୧୪ ରେ ମୁଖ୍ୟମନ୍ତ୍ରୀ ମୋତେ ଟିକେଟ ଦେଇଥିଲେ କିନ୍ତୁ କିଛି ଅନ୍ତ୍ରଘାତି କାମ ଯୋଗୁ ମାତ୍ର ୫୪୦ ଖଣ୍ଡ ଭୋଟରେ ହାରିଗଲି । ପରାଜିତ ହୋଇ କି ମଧ୍ୟ ୧୪ ରୁ ୨୪ ଲୋକଙ୍କ ସହ ମୁଁ ରହିଛି ବୋଲି କହିଛନ୍ତି ବିଜେଡିର ପୂର୍ବତନ ବିଧାୟକ ରଘୁନାଥ ସାହୁ । ସେ କହିଛନ୍ତି ବିଜୁ ଜନତା ଦଳର ସଙ୍ଗଠନକୁ ବଞ୍ଚେଇ କି ରଖିଛି । ଆଜି ଯଦି ଚିଲିକାରେ ଦଳର ସଙ୍ଗଠନ ବଞ୍ଚିକି ଅଛି ତାହା କେବଳ ମୋର ଉଦ୍ୟମ ଯୋଗୁଁ ।
୨୦୦୯ ରୁ ୧୪ ଯେତିକି କାମ କରିଛି ତାହା ଆଗରୁ କେବେ ହୋଇନଥିଲା । ତେଣୁ ୨୦୨୪ ରେ ମୁଁ ଚିଲିକାରୁ ନିର୍ବାଚନ ଲଢ଼ିବି । ଚିଲିକା ଛାଡି କୁଆଡ଼େ ଯିବିନି । ସେ ଆହୁରି ମଧ୍ୟ କହିଛନ୍ତି ପ୍ରଶାନ୍ତ ଜଗଦେଵ ଯାହା କଲା ତାହା ସମସ୍ତେ ଜାଣିଛନ୍ତି । ମୁଖ୍ୟମନ୍ତ୍ରୀ ତା ଉପରେ ଠିକ କାର୍ଯ୍ୟାନୁଷ୍ଠାନ ନେଇଛନ୍ତି । ସେଥିପାଇଁ ଚିଲିକା ନିର୍ବାଚନ ମଣ୍ଡଳୀ ଲୋକେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଉଛନ୍ତି ।
