‘ତୁରନ୍ତ ଡାକ୍ତରଙ୍କୁ ଗିରଫ କରାଯାଉ’
ବସ୍ତା (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲ ଜଳେଶ୍ଵର ଜିକେ ଭଟ୍ଟର ହସ୍ପିଟାଲର ଡାକ୍ତର ଦିଲ୍ଲୀପ ପାତ୍ରଙ୍କ ଗିରଫ ଦାବିକରି ଗ୍ରାମବାସୀଙ୍କ ସାମ୍ବାଦିକ ସମ୍ମିଳନୀ । ସୂଚନା ଅନୁଯାୟୀ ଗତ ମେ ମାସ ୩ ତାରିଖ ଦିନ ଜଳେଶ୍ଵର ଥାନା ଚକହରି ଗ୍ରାମର ଉମେଶ ଓଝା କୌଣସି କଥାକୁ ନେଇ କୀଟ ନାଶକ ପିଇ ଦେଇଥିଲେ । ପରିବାର ଲୋକେ ତାଙ୍କୁ ଜଳେଶ୍ଵର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଜିକେ ଭଟ୍ଟର ହସ୍ପିଟାଲକୁ ନେଇଥିଲେ । ସେଠାରେ ଡ୍ୟୁଟିରେ ଥିବା ମେଡିକାଲ ଅଫିସର ଚିକିତ୍ସା କରିବାରେ ଅବହେଳା କରିବା ସହିତ ଏକ ଘଣ୍ଟାରୁ ଅଧିକ ସମୟ ବିଳମ୍ବ କରିଥିଲେ ।
ଯାହା ଫଳରେ ଯନ୍ତ୍ରରେ ଛଟପଟ ହୋଇ ଉମେଶଙ୍କ ମୃତ୍ୟୁ ହୋଇଥିଲାା ଡାକ୍ତରଙ୍କ ଅବହେଳାରୁ ମୃତ୍ୟୁ ହୋଇଥିବା ଅଭିଯୋଗରେ ଡାକ୍ତରଖାନାରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲାା ଏହାକୁ କେନ୍ଦ୍ରକରି ପୋଲିସ ପରିବାର ଲୋକଙ୍କୁ ଗିରଫ କରିଥିବା ବେଳେ ଆଜି ଗ୍ରାମର ଶତାଧିକ ମହିଳା ଏବଂ ପୁରୁଷ ଚକହରି ଗ୍ରାମର ମନ୍ଦିର ପ୍ରାଙ୍ଗଣରେ ଆୟୋଜନ ସାମ୍ବାଦିକ ସମ୍ମିଳନୀ ପ୍ରକାଶ କରିଛନ୍ତି ଯଦି ଡାକ୍ତର ଦିଲ୍ଲୀପ ପାତ୍ରଙ୍କୁ ଗିରଫ କରାନଯାଏ ତାହାହେଲେ ଗ୍ରାମବାସୀ ଡାକ୍ତରଖାନା ଆଗରେ ଧାରଣା ଦେବା ସହିତ ପରିବାର ଲୋକ ଡାକ୍ତରଖାନା ଆଗରେ ଆତ୍ମହତ୍ୟା କରିବେ ବୋଲି ଚେତାବନୀ ଦେଇଛନ୍ତି।