ବିପଦ ସଙ୍କେତ ଉପରେ ଜଳକା ନଦୀର ବନ୍ୟାଜଳ ପ୍ରବାହିତ

ଜଳେଶ୍ୱର (ବଡ଼ ଖବର ବ୍ୟୁରୋ): ପୁଣି ଜଳକା ନଦୀରେ ବନ୍ୟା । ବିପଦ ସଙ୍କେତ ଉପରେ ଜଳକା ନଦୀର ବନ୍ୟାଜଳ ପ୍ରବାହିତ । ମଥାନୀଠାରେ ବିପଦ ସଙ୍କେତ ୬.୫୦ ମିଟର ଉପରେ ଜଳକାର ଜଳସ୍ତର । ବସ୍ତା ବ୍ଲକର ୧୦ଟି ଓ ସଦର ବ୍ଲକର ୨ଟି ପଞ୍ଚାୟତରେ ବନ୍ୟା ଆଶଙ୍କା ।ମୟୁରଭଞ୍ଜ ଜିଲ୍ଲାର ରାସଗୋବିନ୍ଦପୁର, ମୁରୁଡ଼ା, ଚିତ୍ରଡା, ଶୁଲିଆପଦା ଆଦି ଅଞ୍ଚଳରେ ପ୍ରବଳ ବର୍ଷା ଯୋଗୁଁ ଜଳକା ନଦୀରେ ଜଳ ସ୍ତର ବଢ଼ିବାରେ ଲାଗିଛି । ମଥାନି ଠାରେ ବିପଦ ସଂକେତ ୬. ୫୦ମିଟର ଥିଲା ବେଳେ ସକାଳ ୬ଟା ସୁଦ୍ଧା ୬. ୭୧ମିଟର ଉପରେ ପ୍ରବାହିତ ହେଉଛି ପାଣି। ବନ୍ୟା ଆସିବା ଫଳରେ ବସ୍ତା ବ୍ଲକର ୧୦ଟି ପଞ୍ଚାୟତ ମଥାନି, ବାହାର୍ଦା, ଦରଡ଼ା, କୁଡ଼ିଆ, ଦୁଧ ହଂସା, ବାସିଚକୁରାଇ, ମୁକୁଳିସୀ, ସଦାନନ୍ଦପୁର, ବ୍ରାହ୍ମଦା, ବରୁଣଗଡ଼ିଆ, ଏବଂ ସଦର ବ୍ଲକର ୨ଟି ପଂଚାୟତ ଶ୍ରୀରାମପୁର, ଓ ରସଲପୁର ଆଦି ପଂଚାୟତ ପ୍ରବାହିତ ହେବାର ସମ୍ଭାବନା ରହିଛି। ଶହ ଶହ ଚାଷ ଜମିରେ ପାଣିର ସୁଅ ଛୁଟୁଛି, ଦୁଇ ଦୁଇ ଥର ଚାଷ ନଷ୍ଟ ହୋଇଥିଲା ବେଳେ ପୁଣି ଥରେ ଧାରକରଜ କରି ଚାଷ କରିଥିଲା ବେଳେ ତାହା ନଷ୍ଟ ହୋଇଯିବ ଏଣୁ ଚିନ୍ତାରେ ଚାଷୀ।