ବିଏସଏଫ ବାହିନୀକୁ ମିଳିଲା ବଡ଼ ସଫଳତା, ଜଙ୍ଗଲରୁ ମାଓ ଡମ୍ପ ଜବତ
ମାଲକାନଗିରି (ବଡ଼ ଖବର ବ୍ୟୁରୋ): ମାଲକାନଗିରି ଜିଲ୍ଲାରେ ନକ୍ସଲ ବିରୋଧୀ ଅଭିଯାନ ଚାଲିଥିବା ବେଳେ ବିଏସଏଫ ବାହିନୀକୁ ମିଳିଲା ବଡ଼ ସଫଳତା । ଗୁଇନ୍ଦା ସୂଚନା ଆଧାରରେ ବଡିଗେଟା ଜଙ୍ଗଲରୁ ଜବତ ହେଲା ମାଓ ଡମ୍ପ । ବିଏସଏଫ ଓ ଡିଭିଏଫ ବାହିନୀର ଜବାନ ମାନେ କାଲିମେଳା ଥାନା ଏଲକାନୁର ଓ ଦୟାଲଟୁଙ୍ଗି ଜଙ୍ଗଲରେ ଅପରେସନ୍ କରୁଥିବା ବେଳେ ଏହି ସବୁ ମାଓ ସାମଗ୍ରୀ ଜବତ ହୋଇଛି ।
ଯାହା ମଧ୍ୟରେ ରହିଛି ଦୁଇଟି ଟିଫିନ୍ ବୋମା, ୩୬ଟି ହେଣ୍ଡ ଗ୍ରେନେଡ, ୨୪ଟି ଜେଲାଟିନ୍ ଷ୍ଟିକ, ୪୦ ମିଟର କୋଡେକ୍ସ ତାର, ୨୨ଟି ଇଲେକ୍ଟ୍ରୋନିକ୍ ଡେଟୋନେଟର, ଗୋଟିଏ ଭର୍ମର, ୨ଟି ରିମୋଟ, ଗୋଟିଏ ଇଲେକ୍ଟ୍ରିକ୍ ମୋଟର, ୩ଟି ଏଲପିଜି ସିଲିଣ୍ଡର ଓ ୧୫ ଟି ଲୁହା ପ୍ଲେଟ । ଏତେ ସବୁ ମାଓ ସାମଗ୍ରୀ ଜବତ ହେବ ପରେ ପୋଲିସ ଅନୁମାନ କରୁଛି ଯେ ସିମାନ୍ତ ଛତିଶଗଡରେ ଜୋରଦାର ଅପରେସନ ଚାଲିଥିବା ବେଳେ ଜୀବନ ବଞ୍ଚାଇବା ଲାଗି ମାଓବାଦୀ ମାନେ ପୁଣିଥରେ ମାଲକାନଗିରି ଜିଲ୍ଲା ଭିତରେ ପ୍ରବେଶ କରିଛନ୍ତି ।