ଜମିବାଡି ବିବାଦ, ୨ ଗାଁରେ ୧୬୩ ଲାଗୁ

ସାନଖେମୁଣ୍ଡି (ବଡ଼ ଖବର ବ୍ୟୁରୋ): ସାନଖେମୁଣ୍ଡିରେ ଜାଗା ବିବାଦକୁ ନେଇ ଗୋଷ୍ଠୀ ସଂଘର୍ଷ ଘଟଣା । ପାଟପୁର ଥାନାରେ ଲିଖିତ ଏତଲା ଦେଲେ ଉଭୟ ଗୋଷ୍ଠୀ । ସାନଖେମୁଣ୍ଡି ତହସିଲଦାରଙ୍କ ଏତଲା ପରେ ୨ ଗୋଷ୍ଠୀର ୨୦ ଅଟକ । ହନୁମାନ ବାଟିକା ଜାଗା ପାଇଁ ସିଙ୍ଗିପୁର ଓ ରତ୍ନମଣିପୁର ମଧ୍ୟରେ ଗଣ୍ଡଗୋଳ । ଉଭୟ ଗାଁ ବାସିନ୍ଦା ଓ ସାନଖେମୁଣ୍ଡି ତହସିଲଦାରଙ୍କ ଏତଲା ଆଧାରରେ ତିନିଟି ମାମଲା ରୁଜୁ କରିଛି ପୋଲିସ । ବିବାଦୀୟ ସ୍ଥଳରେ ବିଏନଏସ୍ ୧୬୩ ଲାଗୁ ହୋଇଛି । ଘଟଣା ସ୍ଥଳରେ ଦୁଇ ପ୍ଲାଟୁନ ପୋଲିସ ଫୋର୍ସ ମୁତ୍ତୟନ କରାଯାଇଛି । ଗତକାଲି ଜମି ବିବାଦକୁ ନେଇ ପରସ୍ପର ମଧ୍ୟରେ ଇଟା ପଥର ମାଡ ହୋଇଥିଲା । ଗଣ୍ଡଗୋଳରେ ଏକାଧିକ ଲୋକେ ଆହତ ହୋଇଛନ୍ତି । ସାନଖେମୁଣ୍ଡି ତହସିଲର ସିଙ୍ଗିପୁର ଓ ରତ୍ନମଣିପୁର ଗାଁ ମଧ୍ୟରେ ଗଣ୍ଡଗୋଳ ହୋଇଥିଲା । ଡେଙ୍ଗାଉସ୍ତା ମୁଖ୍ୟ ରାସ୍ତାର ରତ୍ନମଣିପୁରର ହନୁମାନ ବାଟିକା ଜାଗା ପାଇଁ ଦୁଇ ଗାଁ ମଧ୍ୟରେ ବିବାଦ ସୃଷ୍ଟି ହୋଇଛି ।