ଦୁର୍ଘଟଣାରେ ଚାଲିଗଲା ମାଆ ଓ ଝିଅଙ୍କ ଜୀବନ

ପାପଡାହାଣ୍ଡି (ବଡ଼ ଖବର ବ୍ୟୁରୋ): ଦୁର୍ଘଟଣା ନେଲା ଜୀବନ । ସଡକ ଦୁର୍ଘଟଣାରେ ଚାଲିଗଲା ଦୁଇ ନିରୀହ ଜୀବନ ।  ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ନିକଟସ୍ଥ ପ୍ରଧାନୀଗୁଡା  ରାଜାମାଟୁ ନିକଟ ଛକରେ ଟ୍ରଲର ଏବଂ କାର ମୁହାଁ ମୁହିଁ ଧକ୍କା ହୋଇ ଦୁଇ ଜଣଙ୍କ ମୃତ୍ୟୁ ଓ ତିନି ଗୁରୁତର  । ଏକ ପାଇପ ବୋଝେଇ ଟ୍ରକ ପାପଡାହାଣ୍ଡିରୁ କଳାହାଣ୍ଡି ଅଭିମୁଖେ ଯାଉଥିବା ବେଳେ କାରଟି  ପୁରୀରୁ ନବରଙ୍ଗପୁର ଅଭିମୁଖେ ଫେରୁଥିଲା । କାରରେ ୫ ଜଣ ଥିଲେ । ତେବେ ପ୍ରଧାନୀଗୁଡା ନିକଟସ୍ଥ ରାଜାମାଟୁ ଛକରେ ଉଭୟ ମୁହାଁମୁହିଁ  ଧକ୍କା ହେବା ଫଳରେ କାରରେ ଥିବା ଦୁଇ ଜଣଙ୍କ ମୃତ୍ୟୁ ଘଟିଛି ।

ଏବଂ ଅନ୍ୟ ତିନି ଜଣ ଗୁରୁତର ହୋଇଛନ୍ତି । ଖବର ପାଇ ପାପଡାହାଣ୍ଡି ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କରିବା ସହିତ ଗୁରୁତରମାନଙ୍କୁ ପାପଡାହାଣ୍ଡି ମେଡିକାଲକୁ ସ୍ଥାନାନ୍ତର କରିଛନ୍ତି । ପରେ  ସେମାନଙ୍କୁ ନବରଙ୍ଗପୁର ଜିଲ୍ଳା  ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଉଛି । ତେବେ ଆହତ ୩ ଜଣଙ୍କ ଅବସ୍ଥା ସଙ୍କଟାପନ୍ନ ରହିଥିବା ସୂଚନା ମିଳିଛି । କାର ଥିବା ଦୁଇ ମହିଳା ଙ୍କ ମୃତ୍ୟୁ ଘଟିଛି ।