ଦାରିଦ୍ର୍ୟତା ପାଇଁ ପୁଅ କୁ ହାଣି ମାରିଲା ବାପା

(ବଡ଼ ଖବର ବ୍ୟୁରୋ): ମୟୂରଭଞ୍ଜ ଜିଲ୍ଲା ଉଦଳା ଗ୍ରାମରୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି । ୪ ବର୍ଷର ନାବାଳକକୁ ବାପା କଟୁରୀରେ ହାଣି ମାରିବା ଘଟଣାରେ ସାମ୍ନାକୁ ଆସିଲା ବିସ୍ଫୋରକ ସତ। ସତ ଖୋଲି କହିଲେ ଥାନା ଅଧିକାରୀ। ପାରିବାରିକ ଦାରିଦ୍ର୍ୟତା କାରଣରୁ ମା କୋଳରୁ ପୁଅକୁ ଛଡାଇ ନେଇ କଟୁରୀରେ ହାଣି ବାପା ହତ୍ୟା କରିଥିଲା। ଶରତ ଥାନା ପୁରୁଣାପାଣି ଗ୍ରାମର ସୋହନ ସିଂ ନିଜର ୪ ବର୍ଷର ପୁଅ ଦୁମ୍ବି ସିଂ କୁ ଗତକାଲି ମା କୋଳରୁ ଛଡାଇ ନେଇ କଟୁରୀରେ ହାଣି ହତ୍ୟା କରିଥିଲା। ସୂଚନା ଅନୁସାରେ, ପୋଲିସ ଅଭିଯୁକ୍ତ ବାପା ସୋହନ ସିଂ ଙ୍କୁ ଗିରଫ କରିବା ପରେ ଦାରିଦ୍ର୍ୟତା କାରଣରୁ ସେ ପୁଅକୁ ହତ୍ୟା କରିଥିବା ପୋଲିସ ଆଗରେ ମାନିଥିବା କହିଛନ୍ତି ଥାନା ଅଧିକାରୀ। ତାଙ୍କର ୫ ଜଣ ପିଲା ଛୁଆ ଥିବାବେଳେ ସେମାନଙ୍କୁ ନେଇ ପରିବାର ଚଳାଇବା କଷ୍ଟ ହେବାରୁ ପୁଅକୁ ହତ୍ୟା କରିଥିବା କହିଛନ୍ତି ଥାନା ଅଧିକାରୀ ରମାକାନ୍ତ ପାତ୍ର।