କଲମ୍ବିଆ ଭୂମିକମ୍ପ, ମୃତ୍ୟୁସଂଖ୍ୟା ୧୩୨
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦକ୍ଷିଣ ଆମେରିକୀୟ ରାଷ୍ଟ୍ର କଲମ୍ବିଆରେ ଭୟଙ୍କର ଭୂମିକମ୍ପ ଝଟକା ଲାଗିଛି । ୭.୪ ତୀବ୍ରତାର ଶକ୍ତିଶାଳୀ ଭୂମିକମ୍ପରେ ଥରି ଉଠିଛି । ଅନେକ କୋଠା ମାଟିରେ ମିଶିଛି । ରିପୋର୍ଟ ଲେଖାଯିବ ସୁଦ୍ଧା ୧୩୨ ଜଣଙ୍କର ମୃତ୍ୟୁ ହୋଇଛି । ପ୍ରାୟ ୫୭୦ ଜଣ ଆହତ ହୋଇଛନ୍ତି । ମୃତ୍ୟୁସଂଖ୍ୟା ହଜାରେ ଟପିପାରେ ବୋଲି ଆଶଙ୍କା କରାଯାଉଛି । ୟୁରୋପୀୟ-ଭୂମଧ୍ୟସାଗରୀୟ ଭୂକମ୍ପ ବିଜ୍ଞାନ କେନ୍ଦ୍ର (ଇଏମ୍ଏସ୍ସି) ଅନୁଯାୟୀ, ଭୂମିକମ୍ପର ପ୍ରାରମ୍ଭିକ ତୀବ୍ରତା ୭.୪ ଥିଲା ଏବଂ ଏହାର କେନ୍ଦ୍ରସ୍ଥଳ ୧୧୫ କିଲୋମିଟର ଗଭୀରତାରେ ଥିଲା ।
କଲମ୍ବିଆର ଜିଓଲୋଜିକାଲ୍ ସର୍ଭିସ୍ ପ୍ରାରମ୍ଭିକ ତୀବ୍ରତା ୬.୭ ବୋଲି କହିଛି । ଭୟଙ୍କର ଭୂମିକମ୍ପ ଯୋଗୁଁ ଲୋକଙ୍କୁ ଘର ଏବଂ କୋଠା ଛାଡିବାକୁ ପଡିଛି । ରାଜଧାନୀ ବୋଗୋଟା ତଥା ପଡୋଶୀ ଭେନେଜୁଏଲା ଏବଂ ଇକ୍ୱେଡରରେ ଏହି ଭୂମିକମ୍ପ ଅନୁଭୂତ ହୋଇଥିଲା । ଭଗ୍ନାବଶେଷ ତଳୁ ଲୋକଙ୍କୁ ସୁରକ୍ଷିତ ଭାବେ ବାହାର କରିବା ଏବେ ଉଦ୍ଧାରକାରୀ ଦଳ ପାଇଁ ସବୁଠାରୁ ବଡ଼ ଚ୍ୟାଲେଞ୍ଜ । ଭୂମିକମ୍ପରେ ଏଯାଏଁ ୧୩୨ ଜଣଙ୍କ ଜୀବନ ଯାଇଥିବା ବେଳେ ୫୩୭ ଜଣ ଆହତ ହୋଇଛନ୍ତି। ଅନେକ ଆହତଙ୍କୁ ହସ୍ପିଟାଲରେ ଚିକିତ୍ସା ଦିଆଯାଉଛି ।
ତେବେ ଧ୍ୱଂସସ୍ତୂପ ତଳେ ଆହୁରି ଲୋକ ଫସି ରହିଥିବା ଆଶଙ୍କା ଥିବାରୁ ମୃତ୍ୟୁସଂଖ୍ୟା ଆଗକୁ ବଢ଼ିପାରେ ବୋଲି ଆଶଙ୍କା କରାଯାଉଛି । ଭୂମିକମ୍ପର ଭୟାବହତାକୁ ଦେଖି କଲମ୍ବିଆ ସରକାର ଜରୁରୀକାଳୀନ ସ୍ଥିତି ଘୋଷଣା କରିଛନ୍ତି । ପ୍ରଭାବିତ ଅଞ୍ଚଳରେ ଉଦ୍ଧାର, ଚିକିତ୍ସା ଓ ରିଲିଫ୍ କାର୍ଯ୍ୟକୁ ତ୍ୱରାନ୍ୱିତ କରାଯାଇଛି । ସ୍ଥାନୀୟ ପ୍ରଶାସନ ଓ ଉଦ୍ଧାରକାରୀ ଟିମ୍ଗୁଡ଼ିକ ଧ୍ୱଂସ ହୋଇଥିବା ଅଞ୍ଚଳରେ ପହଞ୍ଚି ଲୋକଙ୍କୁ ଉଦ୍ଧାର କରୁଛନ୍ତି । ଭୂମିକମ୍ପ ପରେ ଲୋକଙ୍କ ମଧ୍ୟରେ ମଧ୍ୟ ଭୟ ଓ ଆତଙ୍କର ବାତାବରଣ ରହିଛି ।