ଜାରି ରହିଛି ଶୀତର ଲହରୀ

ରାଜ୍ୟରେ ଜାରି ରହିଛି ଶୀତର ଲହରୀ । କୁହୁଡ଼ି ଆସ୍ତରଣ ତଳେ ସାରା ଓଡ଼ିଶା । ବିଭିନ୍ନ ସ୍ତାନରେ ତାପମାତ୍ରା ୧୫ ଡିଗ୍ରୀ ତଳେ ରହିଛି । ଓଡ଼ିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡ଼ିରେ ସର୍ବନିମ୍ନ ତାପମାତ୍ରା ୧୫ ଡ଼ିଗ୍ରୀ ଥିବାବେଳେ ଅନୁଗୁଳ ଓ ବାରିପଦାରେ ଗତକାଲି ସର୍ବନିମ୍ନ ତାପମାତ୍ରା ୧୫.୬ ଡିଗ୍ରୀ ସେଲସିଅସ ରେକର୍ଡ଼ ହୋଇଛି । ସେହିପରି ଭାବେ ରାଜ୍ୟର ଅନ୍ୟାନ୍ୟ ସ୍ଥାନରେ ମଧ୍ୟ ଶୀତ ସାଙ୍ଗକୁ କୁହୁଡ଼ି ଦେଖିବାକୁ ମିଳିଛି । ଭୁବନେଶ୍ୱର, କଟକ ସହର ସଂପୁର୍ଣ୍ଣ କୁହୁଡ଼ିରେ ଆଚ୍ଛାଦିତ ହୋଇଥିବା ବେଳେ ସେପଟେ ରାୟଗଡ଼ା, କନ୍ଧମାଳ, କୋରାପୁଟ, ମାଲକାନଗିରି ଓ ନୟାଗଡ଼ରେ ସ୍ୱଳ୍ପରୁ ମଧ୍ୟମ ଧରଣର କୁହୁଡ଼ି ହୋଇଛି ।