ରାଜ୍ୟର ଅନେକ ସ୍ଥାନରେ  ବର୍ଷା ସମ୍ଭାବନା

ଭୁବନେଶ୍ୱର (ବଡ଼ ଖବର ବ୍ୟୁରୋ): ମଙ୍ଗଳବାର ରାଜ୍ୟର ଅନେକ ସ୍ଥାନରେ  ବର୍ଷା ସମ୍ଭାବନା  । ଗଞ୍ଜାମ,  ଗଜପତି, ରାୟଗଡ଼ା, କୋରାପୁଟ,  ମାଲକାନଗିରିର ଗୋଟିଏ ଦୁଇଟି  ସ୍ଥାନରେ ପ୍ରବଳ ବର୍ଷା ସମ୍ଭାବନା  ।  ଏସବୁ ଜିଲ୍ଲା ସମେତ ପୁରୀ, ଖୋର୍ଦ୍ଧା ଓ ନୟାଗଡ଼ର ଗୋଟିଏ ଦୁଇଟି ଜାଗାରେ  ଘଣ୍ଟା ପ୍ରତି ୪୦-୫୦ କିମି ବେଗରେ  ପବନ ରହିପାରେ । ଝଟକା ପବନ  ୬୦ କିମି ଛୁଇଁପାରେ । ଉପକୂଳ ଓ  ସଂଲଗ୍ନ ଜିଲ୍ଲାଗୁଡ଼ିକରେ ବଜ୍ରପାତ  ସାଙ୍ଗକୁ ୩୦-୪୦ ପବନ ଏବଂ ଝଟକା  ପବନ ୫୦ କିମି ରହିପାରେ ।

ବୁଧବାର ଘଡ଼ଘଡ଼ି ସହ ରାଜ୍ୟର  ଅନେକ ସ୍ଥାନରେ ହାଲୁକାରୁ ମଧ୍ୟମ  ବର୍ଷା ହୋଇପାରେ । କୋରାପୁଟ ଓ  ମାଲକାନଗିରି ଜିଲ୍ଲାର ଗୋଟିଏ ଦୁଇଟି ଜାଗାରେ ପ୍ରବଳ ବର୍ଷା  ସମ୍ଭାବନା । ପବନ ୪୦-୫୦ କିମି ରହିପାରେ । ଝଟକା ପବନ ୬୦ କିମି  ବେଗରେ ହୋଇପାରେ । ଦକ୍ଷିଣ ଓଡ଼ିଶାର  ଆଉ କିଛି ଜିଲ୍ଲା ଏବଂ ଉପକୂଳ ଜିଲ୍ଲାଗୁଡ଼ିକରେ  ଘଡ଼ଘଡ଼ି ସହ ୩୦-୪୦ କିମି ବେଗରେ  ପବନ ପ୍ରବାହିତ ହେବା ଆଶଙ୍କା ଅଛି । ୫  ତାରିଖରୁ ବିଶେଷ ବର୍ଷା ନାହିଁ । କାଁ ଭାଁ ବର୍ଷା  ସମ୍ଭାବନା ରହିଛି । ସମୁଦ୍ର ଅଶାନ୍ତ ରହୁଥିବାରୁ  ୪ ତାରିଖ ପର୍ଯ୍ୟନ୍ତ ମତ୍ସ୍ୟଜୀବୀମାନେ  ମତ୍ସ୍ୟଜୀବୀଙ୍କୁ ବାରଣ କରାଯାଇଛି । ୩ ଦିନ  ପରେ ରାଜ୍ୟରେ ରାତି ତାପମାତ୍ରା ୨ରୁ ୩  ଡିଗ୍ରୀ ସେଲସିୟସ୍‌ କମିପାରେ।