ବିଚାରାଧୀନ କଏଦୀର ମୃତ୍ୟୁ

ମାଲକାନାଗିରି(ବଡ଼ ଖବର ବ୍ୟୁରୋ): ବିଚାରାଧୀନ କଏଦୀର ଗଳାକାଟି ହତ୍ୟା । ମାଲକାନାଗିରି ଜିଲ୍ଲାର ଉପ କରାଗାରରେ ଜଣେ ବିଚାରାଧୀନ କଏଦୀଙ୍କ ଗଳା କାଟି ହତ୍ୟା କରାଯାଇଛି । ସ୍ୱାଭିମାନ ଅଂଚଳ ଖଜୁରୀପଡା ଗ୍ରାମର ଧନୁ ଗୋଲରି ୨ ମାସ ପୂର୍ବରୁ ନକ୍ସଲ କେସରେ ଜେଲ ଯାଇଥିଲେ । ଜେଲ ଭିତରେ କେମିତି ଓ କିଏ କାହିଁକି ଧନୁ ଗୋଲରିଙ୍କୁ ହତ୍ୟା କରିଛି ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଜେଲ ଭିତରେ ଛୁରୀ କେମିତି ଆସିଲା ତଦନ୍ତ କରୁଛି ମାଲକାନାଗିରି ଆଦର୍ଶ ଥାନା ପୋଲିସ । ଗତ ମାସକ ଭିତରେ ମାଲକାନାଗିରି ଉପ କାରାଗାରରେ ତିନିଜଣ ବିଚାରାଧୀନ କଏଦୀଙ୍କ ମୃତ୍ୟୁ ହୋଇଛି ।