ଆଉ କିଛି ସମୟର ଅପେକ୍ଷା, ଉଦ୍ଧାର ହେବେ ଶ୍ରମିକ
ରାଇଘର (ବଡ଼ ଖବର ବ୍ୟୁରୋ): ଆଉ କିଛି ସମୟର ଅପେକ୍ଷା । ଉଦ୍ଧାର ହେବେ ଶ୍ରମିକ । ଅନ୍ଧାରୀ ଜୀବନରୁ ମିଳିବ ମୁକ୍ତି, ଦେଖିବେ ଆଲୋକ । ୪୧ ଜୀବନ ବଞ୍ଚାଇବା ପାଇଁ ଉଦ୍ଧାରକାରୀ ଦଳ ଜୋର ଲଗାଇ ଦେଇଛନ୍ତି । ପାଖାପାଖି ୯୦ ପ୍ରତିଶତ ଡ୍ରିଲିଂ କାମ ଶେଷ ହୋଇସାରିଛି । ମୋଟ ୫୭ ମିଟର ଡ୍ରିଲ କରିବାକୁ ଥିବା ବେଳେ ଏବେ ସୁଦ୍ଧା ୪୫ ମିଟର ଡ୍ରିଲ ହୋଇଥିବା ନେଇ ସୂଚନା ମଳିଛି ।
ଫଶିରହିଥିବା ଶ୍ରମିକଙ୍କଠୁ ଆଉ ୧୨ ମିଟର ଦୂରତା ରହିଛି । ସେପଟେ ଶ୍ରମିକ ମାନଙ୍କ ମଧ୍ୟରେ ଓଡ଼ିଶାର ପାଞ୍ଚ ଜଣ ଶ୍ରମିକ ରହିଥିବା ବେଳେ ଏଥିରେ ରହିଛନ୍ତି ନବରଙ୍ଗପୁର ଜିଲ୍ଲା ଡ଼ାବୁଗାଁ ବ୍ଲକ ତାଲବେଡ଼ା ଗ୍ରାମର ଭଗବାନ ଭତ୍ରା । ଉଦ୍ଧାରକାରୀ ଦଳମାନଙ୍କ କଠିନ ପରିଶ୍ରମ ପରେ ଏବଂ ଶ୍ରମିକଙ୍କ ଉଦ୍ଧାର ନିଶ୍ଚିତ ହେବାକୁ ନେଇ ଭଗବାନ ଭତ୍ରାଙ୍କ ଗ୍ରାମରେ ଉତ୍ସାହର ମାହୋଲ ଦେଖିବାକୁ ମିଳିଛି । ସକାଳୁ ଭଗବାନଙ୍କ ଘରେ ସାମ୍ନାରେ ଲୋକଙ୍କ ଭିଡ ଜମିବାରେ ଲାଗିଲାଣି ।