ପୁରୀ (ବଡ଼ ଖବର ବ୍ୟୁରୋ): ଶ୍ରୀମନ୍ଦିର ଭିତରେ ସେବାୟତଙ୍କ ମାଡପିଟ୍ । ବିମଳାଙ୍କ ମନ୍ଦିର ନିକଟରେ ଘଟିଛି ଅଘଟଣା। ପାଳି ଖଟିବାକୁ ନେଇ ଦୁଇଜଣ ସେବାୟତ ମଧ୍ୟରେ ହାତାହତି। ହାତାହତିରେ ସେବାୟତ ଶ୍ୟାମ ପଣ୍ଡା ଆହତ ହୋଇ ସଦର ମୁଖ୍ୟ ଚିକିତ୍ସାଳୟକୁ ଆସିଥିବା ବେଳେ ତାଙ୍କ ଆଖି ଓ ଛାତିରେ କ୍ଷତ ସୃଷ୍ଟି ହୋଇଛି। ଆହତ ଶ୍ୟାମ ପଣ୍ଡାଙ୍କ ସହ ପାଳି ଖଟିବାକୁ ନେଇ ଆଉ ଜଣେ ସେବାୟତ ନରସିଂହ ପଣ୍ଡାଙ୍କ ସହ ଗଣ୍ଡଗୋଳ ହୋଇଥିଲା। ତେବେ ଶ୍ରୀମନ୍ଦିର ଭିତରେ ମାରପିଟ୍ ପରେ ଉଭୟ ସେବାୟତଙ୍କୁ ପ୍ରଥମେ ସିଂହଦ୍ଵାର ଥାନା ଓ ପରେ ସଦର ମୁଖ୍ୟ ଚିକିତ୍ସାଳୟକୁ ଅଣାଯାଇଛି। ତେବେ ଆହତ ସେବାୟତ ଏନେଇ ଗଣମାଧ୍ୟମରେ କିଛି ପ୍ରତିକ୍ରିୟା ରଖିନାହାନ୍ତି।
