ଆଲମାରି ଭିତରେ ବିଡା ବିଡା ଟଙ୍କା
ହାଇଦ୍ରାବାଦ(ବଡ଼ ଖବର ବ୍ୟୁରୋ): ଘର ଭିତରେ ଆଲମାରି । ଆଉ ଆଲମାରି ଭିତରେ ବିଡା ବିଡା ଟଙ୍କା । ଭରପୁର ହୋଇ ରହିଛି କେବଳ ୫୦୦ ଟଙ୍କିଆ ନୋଟ ବଣ୍ଡଲ । ତେବେ ଲକ୍ଷେ କି ୧୦ ଲକ୍ଷ ନୁହେଁ ୧୪୨ କୋଟିରୁ ଉର୍ଦ୍ଧ ଟଙ୍କା ଏହି ଆଲମାରିରେ ଖୁନ୍ଦି ହୋଇ ରହିଛି । ଆୟକର ବିଭାଗର ଚଢାଉ ବେଳେ ଏଭଳି ଚିତ୍ର ସାମ୍ନାକୁ ଆସିଛି । ଏବେ ଏହି ଟଙ୍କା ଭର୍ତ୍ତି ହୋଇଥିବା ଆଲମାରିର ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ନିକଟରେ ଆୟକର ବିଭାଗର ରେଡ ବେଳେ ୫୫୦ କୋଟି ଟଙ୍କାର ବେନାମ ସମ୍ପତ୍ତିର ଖୁଲାସା କରିଥିବା ଦାବି କରିଛି । ଗତ ଅକ୍ଟୋବର ୬ ତାରିଖରେ ହାଇଦ୍ରାବାଦର ଏକ ପ୍ରମୁଖ ମେଡିସିନ କମ୍ପାନୀ ହେଟେରୋ ଉପରେ ଆୟକର ବିଭାଗ ଚଢାଉ କରିଥଲା । ଚଢାଉ ବେଳେ ଗୋଟିଏ ଆଲମାରି ଭିତରେ ବିଡା ବିଡା ଟଙ୍କା ଆୟକର ବିଭାଗ ଜବତ କରିଥିବା ସୂଚନା ମିଳିଛି । ଯାହାର ଫଟୋ ଏବେ ଭାଇରାଲ ହେବାରେ ଲାଗିଛି ।
IT raid on a Pharma company in Hyderabad revealed this. I am assuming they have kept clothes in the locker pic.twitter.com/k15SnYdwNB
— Gabbbar (@GabbbarSingh) October 10, 2021
ଆୟକର ବିଭାଗର କହିବା ଅନୁଯାୟୀ, ନିକଟରେ ଉକ୍ତ ଫାର୍ମାସ୍ୟୁଟକାଲ କମ୍ପାନୀ ବିଭିନ୍ନ ପ୍ରକାରର ମେଡିସିନ ଉତ୍ପାଦନ କରେ । ଏହାର ଅଧିକାଂଶ ଉତ୍ପାଦ ଆମେରିକା ଓ ଦୁବାଇ ଭଳି ଦେଶ ଏବଂ ଆଉ କିଛି କିଛି ଆଫ୍ରିକୀୟ ଏବଂ ୟୁରୋପୀୟ ଦେଶକୁ ରପ୍ତାନି ହୁଏ । ହୋଟେରୋ ଗୃପ କୋଭିଡ ୧୯ ଚିକିତ୍ସା ପାଇଁ ରେମଡେସିଭିର ଏବଂ ଫାଇପିରାଭିର ଭଳି ମେଡିସିନ ପାଇଁ ମଧ୍ୟ ଲାଇମ ଲାଇଟକୁ ଆସିଥିଲା ।
ଭାରତ, ଚୀନ, ଋଷ, ମେକ୍ସିକୋ ଏବଂ ଇରନାର ୨୫ରୁ ଅଧିକ ସ୍ଥାନରେ ଏହାର ଉତ୍ପାଦନ ସୁବିଧା ରହିଛି । ସୂଚନା ଅନୁଯାୟୀ ୭.୫୦୦ କୋଟି ଟଙ୍କାର ଏହି ଫାର୍ମା କମ୍ପାନୀ ସେହି ସଂସ୍ଥା ଗୁଡିକମଧ୍ୟରେ ଗୋଟିଏ ଯିଏକି ଭାରତରେ କରୋନା ଟିକା ସ୍ପୁଟନିକ ଭି ଉତ୍ପାଦନ ପାଇଁ ଋଷର ପ୍ରତ୍ୟକ୍ଷ ନିବେଶ ପାଣ୍ଠି ସହ ଚୁକ୍ତି କରିଛି ।