ତହସିଲ କାର୍ଯ୍ୟାଳୟ ତାଲା ପକାଇଲେ ଆଇନଜୀବୀ

ଜଟଣୀ (ବଡ଼ ଖବର ବ୍ୟୁରୋ): ଜଟଣୀ ତହସିଲଦାରଙ୍କ କାର୍ଯ୍ୟାଳୟ କୁ ତାଲା ପକେଇଲେ ଆଇନଜୀବୀ। ବିଭିନ୍ନ ସମସ୍ୟା କୁ ନେଇ ଆଜି ଆଇନଜୀବୀମାନେ ଏକାଠି ହୋଇ ଜଟଣୀ ତହସିଲ କାର୍ଯ୍ୟାଳୟରେ ତାଲା ପକାଇଛନ୍ତି । ସରକାର ବିଭିନ୍ନ ପ୍ରମାଣପତ୍ର ସହ ଜମିର ଦାଖଲ ଖାରଜ କେସ, କିସମ ପରିବର୍ତ୍ତନ କେସ ପାଇଁ ସମୟ ସୀମା ଧାର୍ଯ୍ୟ କରିଛନ୍ତି ।

କିନ୍ତୁ ଜଟଣୀ ତହସିଲ ରେ କୌଣସି କାମ ସମୟରେ ହେଉନାହିଁ। ଅଭିଯୋଗ କରିବାକୁ ତହସିଲ ଆସିଲେ ଖୋଦ ତହସିଲଦାର ଅଫିସ ରେ ରହୁନାହାନ୍ତି । ସରକାର ଏଥିପ୍ରତି ଦୃଷ୍ଟି ଦେବାକୁ ଦାବି ହୋଇଛି। ଘଟଣା ବିଷୟରେ ତହସିଲଦାର କହିଛନ୍ତି ସମୟ ଭିତରେ ସବୁ କାମ ହେଉଛି ।