ରାଇଘର (ବଡ଼ ଖବର ବ୍ୟୁରୋ): ଗରିଆବନ୍ଧି ପୋଲିସ, କୋବ୍ରା ବାଟାଲିୟନ ୨୦୭, ଏବଂ ସିଆରପିଏଫର ମିଳିତ ଅପରେସନରେ ଗରିଆ ବନ୍ଧ ଜିଲ୍ଲା ଯୁଗାଡ ଥାନା କର୍ଲା ଜହର ଜଙ୍ଗଲରେ ହୋଇଛି ଏନକାଉଣ୍ଟର । ଏହି ଏନକାଉଣ୍ଟରରେ ଜଣେ ମାଓବାଦୀଙ୍କ ମୃତ୍ୟୁ ହୋଇଛି । ମୃତକ ହେଲେ ନନ୍ଦଲାଲ । ନନ୍ଦଲାଲ୍ ଉଦାନ୍ତୀ ଏଲଓଏସର ଡେପୁଟି କମାଣ୍ଡର ଥିଲା । ସେ ୨୦୦୯ ରୁ ୨୦୧୦ ମଧ୍ୟରେ ମାଓ ସଂଗଠନରେ ସାମିଲ ସକ୍ରିୟ ଭାବରେ କାମ କରୁଥିଲା ।
ପୂର୍ବରୁ ସେହି ଅଞ୍ଚଳରେ ହୋଇଥିବା ସମସ୍ତ ମାଓ କାର୍ଯ୍ୟକଳାପରେ ସାମିଲ ଥିବା ସହ ରାସ୍ତା କାମରେ ଲାଗିଥିବା ଗାଡ଼ି ପୋଡ଼ା ଘଟଣା ସାମିଲ ରହିଥିବା ସନ୍ଦେହ କରୁଛି ପୋଲିସ । ନନ୍ଦଲାଲ୍ ଉପରେ ୫ ଲକ୍ଷର ପୁରସ୍କାର ଘୋଷଣା କରାଯାଇଥିଲା। ମୃତଶରୀର ପାଖରୁ କିଛି ମାଓ ସାମଗ୍ରୀ ସହ ୩ ରାଇଫଲ ଜବତ କରାଯାଇଛି ।
