ଆଫଗାନିସ୍ତାନର ଜଲାଲାବାଦରେ ସିରିଜ ବିସ୍ଫୋରଣ

(ବଡ଼ ଖବର ବ୍ୟୁରୋ): ଆଫଗାନିସ୍ତାନର ଜଲାଲାବାଦ ଏବଂ କାବୁଲରେ ତାଲିବାନ ଗାଡିକୁ ଟାର୍ଗେଟ କରି ସିରିଜ ବିସ୍ଫୋରଣ ହୋଇଛି । ଏଥିରେ ତାଲିବାନୀଙ୍କ ସମେତ ୮ ଜଣ ନିହତ ହୋଇଥିବା ସୂଚନା ମିଳିଛି । ୩୦ ଜଣ ଗୁରୁତର ହୋଇଛନ୍ତି । ଆକ୍ରମଣ ପାଇଁ ଆତଙ୍କବାଦୀ ସଂଙ୍ଗଠନ ଆଇଏସ-ଖୋରାସନ ନିଜକୁ ଦାୟି କରିଛି ।

ଆକ୍ରମଣ ପରେ ନିଜ ପ୍ରତିଦ୍ୱନ୍ଦି ତଥା ଆତଙ୍କବାଦୀ ସଂଗଠନ ପକ୍ଷରୁ ତାଲିବାନ ପ୍ରତି ବିପଦ ଆଶଙ୍କା ରହିଛି। ନଙ୍ଗାରହାର ପ୍ରଦେଶ ରାଜଧାନୀ ଜଲାଲାବାଦରେ ୪ଟି ସିରିଜ୍ ବିସ୍ଫୋରଣ ହୋଇଛି । ଆକ୍ରମଣ ପରେ ଆଇଏସଆଇଏସ-କେ ଟେଲିଗ୍ରାମ ଯୋଗେ ନିଜକୁ ଦାୟି କରିଛି । ଏଥିରେ ୩୫ ତାଲିବାନୀ ମୃତାହତ ହୋଇଥିବା ଏହି ଗୋଷ୍ଠି ଦାବି କରିଛି । ମୃତକଙ୍କ ମଧ୍ୟରେ ଶିଶୁ ଓ ମହିଳା ମଧ୍ୟ ରହିଛନ୍ତି ।