ଭୁବନେଶ୍ୱର (ବଡ଼ ଖବର ) ଦିଲ୍ଲୀ ରେ ଲଗାଯାଇଥିବା ମୋଦି ହଟାଓ ଦେଶ ବଞ୍ଚାଓ ପୋଷ୍ଟର କେନ୍ଦ୍ର ସରକାରଙ୍କୁ ଥରାଇ ଦେଇଛି । ବ୍ରିଟିଶ ଶାସନ କାଳରେ ମଧ୍ୟ କେବେ ବି ଗୋଟିଏ ପୋଷ୍ଟର ଏବଂ ଗୋଟିଏ ପାମ୍ପପ୍ଲେଟ ଲଗାଇବା ପାଇଁ ୧୩୮ ଏଫଆଇଆର ହୋଇନଥିଲା । ଯାହା ଦିଲ୍ଲୀରେ ହୋଇଛି । ଏହା କହିଛନ୍ତି ଆମ ଆଦମୀ ପାର୍ଟିର ଓଡ଼ିଶା ଆବାହକ ନିଶିକାନ୍ତ ମହାପାତ୍ର । ଏହାସହ ଏହାର ପ୍ରତିବାଦରେ ଆଜିଠାରୁ ଆମ ଆଦମୀ ପାର୍ଟି ଦେଶର ବିଭିନ୍ନ ସ୍ଥାନରେ ମୋଦି ହଟାଅ ଦେଶ ବଞ୍ଚାଅ ପୋଷ୍ଟର ଲଗାଇଛି । ପାର୍ଟି ପକ୍ଷରୁ କୁହାଯାଇଛି, ଯେତେ ଏଫଆଇଆର ଦେଉଛଦିଅ, ଯେତେବେଳେ ଏହି ପୋଷ୍ଟର ସବୁ ଗଳିକନ୍ଦିରେ ଲାଗିବ, ସେତେବେଳେ ତୁମ ଜେଲ ଗୁଡିକ ପୂର୍ଣ୍ଣ ହୋଇଯିବ । କିନ୍ତୁ କେନ୍ଦ୍ର ସରକାରଙ୍କ ଅଗଣତାନ୍ତ୍ରିକ ନିଷ୍ପତ୍ତିକୁ ଗ୍ରହଣ କରାଯିବ ନାହିଁ ବୋଲି ଦଳ ପକ୍ଷରୁ ପ୍ରେସମିଟ କରି କୁହାଯାଇଛି । ଏହାସହ ଆଜି ଭୁବନେଶ୍ୱରର ପ୍ରମୁଖ ସ୍ଥାନମାନଙ୍କରେ ପାର୍ଟି ଏହି ପୋଷ୍ଟର ଲଗାଇଛି ।
