କର୍ଣ୍ଣାଟକ ଓ ଉତ୍ତରାଖଣ୍ଡ ପରେ ଏବେ ଗୁଜୁରାଟରେ ବଦଳିଲା ନେତୃତ୍ୱ

ଗାନ୍ଧିନଗର(ବଡ଼ ଖବର ବ୍ୟୁରୋ): ୨୦୨୨ରେ ଗୁଜୁରାଟରେ ହେବ ବିଧାନସଭା ନିର୍ବାଚନ । ଏହାପୂର୍ବରୁ ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୁପାଣୀ ଉସ୍ତଫା ଦେଇଛନ୍ତି । ଆଜି ରାଜ୍ୟପାଳଙ୍କୁ ଭେଟି ନିଜ ଇସ୍ତଫା ପତ୍ର ପ୍ରଦାନ କରିଛନ୍ତି ବିଜୟ । ତେବେ ଇସ୍ତଫା ପତ୍ର ଦେବା ସହ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ରୁପାଣୀ । ବିଜେପି ଶାସନାଧୀନ ରାଜ୍ୟ ମଧ୍ୟରୁ କର୍ଣ୍ଣାଟକ ଓ ଉତ୍ତରାଖଣ୍ଡ ପରେ ଏବେ ଗୁଜୁରାଟରେ ବଦଳିଛି ଦଳୀୟ ନେତୃତ୍ୱ ।

ମୁଖ୍ୟମନ୍ତ୍ରୀ ଭାବେ ୫ବର୍ଷ କାର୍ଯ୍ୟ କରିଥିବା ବେଳେ ଆଜି ଇସ୍ତଫା ଦେଇଚନ୍ତି ରୁପାଣୀ । ଗୁଜୁରାଟ ମୁଖ୍ୟମନ୍ତ୍ରୀ ହେବା ପାଇଁ ଏବେ ରେସରେ ଅନ୍ୟାନ୍ୟ ବିଜେପି ନେତା ମାନଙ୍କ ନାଁ ସାମ୍ନାକୁ ଆସୁଛି । ଡିସେମ୍ବର ୨୦୨୨ରେ ଗୁଜୁରାଟରେ ହେବ ବିଧାନସଭା ନିର୍ବାଚନ । ତେବେ ରୁପାଣୀଙ୍କୁ ଦଳୀୟ ନେତୃତ୍ୱ କାର୍ଯ୍ୟ ଦିଆଯିବା ନେଇ ଚର୍ଚ୍ଚା ହେଉଛି ।